ОIгийл’ цывылихъа сувале малкъара гищы кочес АIранеехъа, Калмыкиейлхъаний айкIан. Манбы йыIкьалхъа сувалхъа 8 вузалений сивийкIал. ОкIбы, осбы саъы, ёххаIбышее сукбы гийхуIр, кьыIд’мийсын къышлыгъбы гятIу , адамер къазынджис авайкIан вухьа. Гагьам

Сувал’ни маIгьалыл’ ц ывылихъа кьыIдимийсын гьаIзирыйвал’бы  къеджи гивийгъал.

ОIгийл’ цывылихъа сувале малкъара гищы кочес АIранеехъа, Калмыкиейлхъаний айкIан.  Манбы йыIкьалхъа сувалхъа  8 вузалений  сивийкIал. ОкIбы, осбы саъы, ёххаIбышее сукбы гийхуIр, кьыIд’мийсын къышлыгъбы гятIу , адамер къазынджис авайкIан вухьа. Гагьамбы къалайчийн санаъаIт гьаъас Гурджистанылхъа, гагьамбы устадыйвалла гьааъас Галахъаний авайкIан. Ман гыргынбы майни вуза джони хизанбышисахъаний сивийкIал. Гьар сен гьаIмагьабний ыIмыр йишди цIаIхбышда авайкIан. Манке йишин Сувал’ни маIгьалылин хивар чIакIда ыхьа. КъыIлина хивар ярашугъеехъаний эчIи. Адамеера хивеенанкъаI имааджийбыний гьаъа. Хивни аIрайлин йаIхъбы, йигъааIр, малкъарайн вейхбы, агъылбы, гармабы абырелхъа хъаъа ыхьа. КьыIдимына ман ишбы гьаъас дагъамда эхьи. ГьаIшде замана бадалувхьана. Эвелее, Сувал’ни маIгьалыл’ни хиваршее инсанар лапджаб кIыл’хъувхьа. Эгьес эйхьи, джегьилера аахваджаб деш. Манчина сабаб шакIле ваацIана. Манчини гьаIкIее хьулехьее  ши макьаалебы одкIунийнбы. Хъийгъа, хив нишинне гьувааджи? Гьел’бедти, хивни тасарруфатын. Къийна къоранайн, наIхирванын санаъаIт гьаъана инсан дешда. Инсанарше малкъара гьуваджи деш, чисда окI сааъа деш. Гыргынкъус заIгьмат гьидяаъан къык, раIгьатын ешайиш ыккан.  Мана гаф гьавассарас.Гьайни дёлесийвалее ши ЦIаIхни администрациейни хааIрункъука Вагиф АIлиевыква  телефонеенче йишон гьаъву. ЦIаIхни администрациейн кьыIдимийсда гьиджо аIгьтиятый къооджи, йишди аIрее гаф вухьа. Манкъвее шакIле увгьойн:- Къийна йишди администрациейн гуджнада къыIдимийсын гьаIзирыйвал’бы къеджи водунбы. Манбы гармабышиква, йаIхъбышиква багълыда водунбы. Гьар хивни джамаъаIтын джони хиваршее имааджийбы гьаъа. ЙыIкьын ишбынанкъаI , медни хиваршенче сана-санкъус кумагыс инсанар абайле.Гьайни йигъбышее ЦIаIхее хьинен гьаIвуджбы, аIгъаан дурбабы, гармабы хъаъа водунбы. ШокIле ваацIана мана дагъамийвалла. Йигъыс хивын адамера , джаванар махъа хъигъебачIи.  Дагъамийвалла мааъаб вобна, сваркайкван ишбы гьаъас гехьа. Маныд тIокIака гьаъас ыккан. Мана ишиб ши къулайква гьаIллааъа вобна.  Рутулни мактабни директоре Ямудин маъаIллиме ман ишбы гьаъас шассахъа джун генератор гьувы. Ман Рутулгъанче ады гадебыше машнеква, гойне йыIкьал’ сувалхъа алхъищу. Манчиххъа сварка гьаъан аппарат къошмишау, хъодыйни дурбабышис тикышбы гиххьы. ГьаIшде хьян аIгъаан джига дешин. Манчиле гъайре, хьян аляатIани джиге ши йиван гьаIвуз’бы гьаъы . Махъа гьаIш-гьуIш  кIечIес деш. Сайид ыIкейкIбышикена , селершикена къорху дешда. КьыIдимына хивеедын хьянбы хъигъарас деш. Чолеедын  ишбы гьаъыйле хъийгъа, хивееъад гармабы абрелхъа хъаъас. Манчисын гыргын ыIгьтаджбы гьазирда водунбы . МыкIаал’бы гигъалассе ман ишбы таамаъасынбы. Сваркайн ишбы къулайква мишлешелий Исрафил’ чоджее гьаъа водунбы. Мана менняаIнкъанче арайленчихъа гора ва джухъад джун ишбы ыхьайхъа гора,  са кьоIни йигъни аIрее иш гьааъас воохьи деш. Манкъуни заIгьматыс хивни джамаъатын хаIбна кьиймат гьооли. Ман ишбы таамауйле хъийгъа, фыкрее медын тасарруфатын ишбы гьаъый  водунбы.