Гьайни сен Сувал’ни магьаlлылни хиваршее гуджнада ишбы къаджы. Манчини аlрайл’ кьомана джига Диндейхъа цlыцlавъуйни машнени йаlххъын авхъу. Йицlыхьебаб сенна гьааъана йаlхъ гьайни йигъбышее таамувхьана. Манчин аахъый хаlнни шадваликва илгъечlу. Гьайни сен Сувал’ни магьаlлылни хиваршее гуджнада ишбы къаджы. Манчини аlрайл’ кьомана джига Диндейхъа цlыцlавъуйни машнени йаlххъын авхъу. Йицlыхьебаб сенна гьааъана йаlхъ гьайни йигъбышее таамувхьана. Манчин аахъый хаlнни шадваликва илгъечlу.
Манчихъа ил’дяакы, къийнаб сувал’ни йаlхъбышил’на иш явашувхьа дешобнаа. Къийна Миххьейнче Цlаlхейхъана йаlхъ аlкь хъааъа вобна. Мааъаб гьаlшдеб устадар техникайква ишлемишоохьи вобунбы. Мана йаlхъ гьавъуна хаlдда сенбы водунбы. Гьар сен адайлени сел’быше манчина аlкьвалла дар хъавъу. Гьаlшде мана хьинен адыйни дыlргъыке темизяаъа вобна. Манчиле савагьийда, Миххьегъни хивее бендбы аляъа водунбы. Йаlххъылхъа къае-къамче хъидялесдимее, йаlххъыни оони сураке бетонын баругбы гийхьи. Манчихъа ил’дяакы, къийнаб сувал’ни йаlхъбышил’на иш явашувхьа дешобнаа. Къийна Миххьейнче Цlаlхейхъана йаlхъ аlкь хъааъа вобна. Мааъаб гьаlшдеб устадар техникайква ишлемишоохьи вобунбы. Мана йаlхъ гьавъуна хаlдда сенбы водунбы. Гьар сен адайлени сел’быше манчина аlкьвалла дар хъавъу. Гьаlшде мана хьинен адыйни дыlргъыке темизяаъа вобна. Манчиле савагьийда, Миххьегъни хивее бендбы аляъа водунбы. Йаlххъылхъа къае-къамче хъидялесдимее, йаlххъыни оони сураке бетонын баругбы гийхьи. Устадарше хивни йыlкьнеена машинена йыlгъ хъобтулна. Манчини джигее аlкьна йыlгъ гивхьес гьазироохьи. Гыргыда ман ишбы ООО «Лакония» донани ташкилатын ыккекка. Манбышди увгьойка, йаlххъына аlкьвалла молюдле метрыйна вухьес. Манчиле савагьийда сел’ хъабайлени джигабышейхъа аlкьын дурбабы кlяъас. Сувале хъадыйн хьян манчейхъа саъас. Аlкь хъааъани йаlххъына хылийвалла хьодле километр водун. Гьайни сен иш вуккекканбышди фыкрее манчин сура истифадейхъа хъувой водун. Ахуйн кьоlдъэсын сура хъооlни сен майни вуза истифадейхъа хъелес. Мыкlаал’бы хъалессе, гибгъылна иш быкыраъасдимее устадар техникайква ишлемишоохьи вобунбы. Дагъыстан Республикайни йаlхъбышди тасарруфатни ташкилатни хааlрынкъуни кумагчыйни Хаlнмагьаlммад Раlгьимовни увгьойка, геледжагъыл’ Сувал’ни магьалын гыргын йаlхъбы аlкь хъаъасынбы. Манбы тезе аляъуйни Диндейхъани йаlххъык’ акар хъаъас. Гыргынчиле гьихъа Гылмецlни авубна машнена йаlхъ къузайле гунайлхъа алгъавгьуй фыкрее водун. Ман джига къийнийни йигъыл’ Сувал’ни магъаlлыл’ дагъамын водун. Хивни авудни гьивийгlанни кьулин экlба-экlба машнена йаlхъ утlумааъана. Инсанаршин ивийкырий явашаъан. Манчиле савагьийда, къийна машнен йаlхъбы дешди хиваршейхъа тезе йаlхъбы адчый пlланее водун. Лекахъана йаlхъ дамайле агъалла хъувккес вуккан. Атталхъана йаlхъ чейлягъхъамее хъабына. Манче агълла хъувкесдимее дамале йыlгъ къабчес вуккан. Гыргын ман ишбы санад ыккейс ахаlс деш. Манбы кlыл’да-кlыл’да ыккейс чалышмишувхьес. Манчиле хъийгъа, манбы республикайни ыlгьтейнче алятlу федерални ыlгьтеехъа адчес. Манке пlланее аххъыйн ишбы ыккый нимеехьед сибыкхьес. Къийна Сувал’ни магьаlлыл’ ыкеккан ишбы районын экономика, инсанаршин ешайиш сибык хъаъасдимее къедженбы водунбы. Гьокуlматын сувал’ ешемишоохьен инсанар нишекеджаб камааъа деш. Хивар гьуваджесдимее гьар каракен кумаг гьели водун.
