Войдите в свой аккаунт

Пользователь
Пароль
Запомнить меня

ЦIаIхбышда Кьасни хивеенчена кьаIгьраман

Автор Курбан Омаханов Четверг, 24 декабря 2020, 17:00 821

ХаIбна Ватанна даIвъий таамувхьайн хаIдда сенбы аIрайле адкIын. Анджах манчин  гьассырыйн  аджибы,  уцIурбы, ярабы  гьаIшдед мейид водунбы. МаIгьабна   даIвъий дюнйейни таарихе вухьана деш. ХаIддамееган гьоIкуматбы даIвъийе къарышмишхьа. Манчин дюнйейлхъа вайсийвалла, вераныйвалла абы. Аазырбышиква   хивар, шагьарбы зерзигау.  Милйонбышиква даIвъийе инсанар батмишивхьа. Ушахаршике етимар, едаршике  сипIырер гьавъу. Мани даIвъийн энки такьатукан, уфтанын  гадебы, ичера гьоIбгъу.

Мани даIвъийе медни миллетбышиква саджигее йишди  цIаIхбышед  хаIдын иштыракау. ЙикьаIле хъооIни  архайн геледжагъ азадын, рагьаIтын, болын ихьеджинва, манбышис джон джанбы хъийккын деш. ЦIаIхбышди даIвъийни  эскерарше, джони миллетын до аIршелхъа алхъадчу. Джона дих даIвъээхъа оIтир гьидявъуна  цIаIхбышихъаб хизан вухьа деш. ХаIббананбы  душманни гуллейке гьабтIыйнбы. Сабарабы батмишеебхьайнбы. ГьаIшдед ацIа дешодун, няайий ва нени оIлумыкейий манбы гьабтIу. Сабарабы яраламишивхьа манче сабкIыл. ГьаIмагьдын джад уцIур медни миллетбише цIыцIау. Анджах  инсаныке манчин дарс алеетIас даIхийн, меб  дюнйейл' джегьилершина эб оотIалобна, мед гьар сурал' ярах къитIойкIал водун.Йишда къийнийна макьаала ХаIбни Ватанни даIвъийни кьаIраманни гьаIкIеена вухьес. Гьайни  йигъбышее манкъун 100 сенний быкырхьес. Мана йишда цIаIхийгъалий  Казимов Салагьиддин ЫIсайна дих ворна. Мана едике Закаталайни районе, цIаIхбышди Кьас донани  хиве  22–ъэсди декабрыл' 1920 сен ыхьа.Салагьиддиныхъад даIвъий гивгъалассе гьихъа  хаIдын мурадбы ыхьа. Манкъве Баквее Азербайджанни педагожи институтын физико-матиматикайн факул'тет таамау. Анджах даIвъийн сулгьикан санаъаIт гьаъас имкан гьуво деш. 1941–ъэсди сен Салагьиддин даIвъийехъа хъортIул'. Манке эскерын санаъаIтбы ацIанбы кIылба вухьа. Манбышин сабаранбы даIвъий гибгъылме, вурушее гябтIу. СыкIылба урусна миз ваацIанбы ва хъадхъийнбы телесюгын  курсбы хъаIдхъас оIтиравъу. Салагьиддиныр манбышди джаргеена са эскер ыхьа. Манкъве 1942 –ъэсди сен Тифлисни артиллериейни училищин телесюгын курсбы таамау. 1942 сенни апрел'ни вуза фронтеехъа аркIын. С. Казимовыс  офицерын звание гьуво. Манкъуке артиллериейни батареейна хаIрна гьау. 1943 сенни июльни вуза манкъуни батареейн Курский дуге ыхьайни хаIдни вуруше иштырак гьау. Хьебыдле йигъна, манзил' ил'дившу вуруш ыхьа. Мани вуруше Салагьиддин Казимовни батареяйн  душманаршин  12 танк, 16 машин хъодау. Мани вуруше дагъылмишауйни танкбышда, машинбышда, самолётбышда, пушкабышда къала илёбзур. Мани вуруше игитийвалла  гьаагуйхъа гора, манкъус Боевой Красный знаменын  орден гьуво.Джуна игитийвалла  йишди миллетни эл'чее  1943-ъэсди сенни, 22-ъэсди сентябрьни хаIмде Днепрни дамайке  аIлгъаанкъа  (форсировать гьааъанкъаI)  гьаагу. Ман вуруш Навозы донани хивни яныл' ыхьа.  Манкъуни батареяйн душманаршин ярах, топпар , дзотбы  дагъылмишау. Манбышис имкан гьуво деш , дамаке алгъааIнкъа, хаIбба ишин эскерар гябтIас ва йишин техника дагъылмишаъас. Казимов Салагьиддинни батареяйни кумагыква йишин эскерар Днепрни сагъни сурал'ни чейлягъахъа илгъебчIу. КьоIдъэсди хаIмде, 23-ъэсди сентябрыл', Днепрыке джун батарея илгъечIу плацдарм аIкьхъаъасдимее, мед вурушеехъа айидхьу. Гомельни вилаетни  Брагинский районни  Верхние Жары донани хивни  янык' манкъуни батареяйн йикьыIн вуруш душманаршиква ыккы. ЙицIыкьваIд йигъна ман вуруш цIыцIахьа. Манкъуни батареяйни артиллеристарше душманаршин 11 танк ыхыI , 180 агъаллан эскерарый офицерар  гябтIу.СССР-ни Верховный Советни Президиумни мислягьаIтука (указыка)  1943-эсди сенни  16–ъэсди октябрыл' , Днепрыке аIлгъаанкъа ва фашистаршин плацдарм аляатIанкъаI гьаагуйни игитийвалис ва гьаIракатыс  хааIрни лейтенантыс Казимов Салагьиддин ЫIсайни духайс Совет гьоIкуматни КьаIгьраманын звание гьуво. Манкъун командираршин баджарагъбы  ва гьунарбы къадже 1944 сен гидгъылыйнкъаI капитан Казимов  дивизейс командирна гиххьы. Манкъуни дивизиейн  Польша фашистаршике аазадааъани вурушее хаIдын иштыракау. Манкъвее даIвъий  Чехословакиейл' таамавъу.  1945-ъэсди сенни  9-ъэсди майил', Гъамувхьайни Йигъыл' , мана яраламишхьа госпиталехъа гирхьу.Хъуваркыйле хъийгъа,  Салагьиддин Казимов Ватанылхъа саркIыл'. Манкъве къуллух МВД гьааъа гиргъыл'. Манкъус звание генерал-майор гьуво. Хил'дже сенбына Казимов Салагьиддин Азербайджан ССР-ни МВД-ни министрна маъаIвын  ишлемишхьа. 1978-ъэсди сенни 2-эъсди июлил'  къуллухын ишбы гьаъанкъаI хъикIуна. Мана Баквее бастурау. Салагьиддин Казимов хьиннен игитер цIаIхбышихъаб манке хаIбба вухьа. КьаIгьраманни хаIнейс лайикьавъуйнбы шахъаб вухьайнбы. Манбишин документбы даIвъийни таарихе батмишхьайнбы. Анджах кьаIгьраманын звание аляатIана мана са ыхьа. Гьайни сен , агар мана сагъра ахунахьии, йишди миллетын манкъун 100 сенийн юбилейни алгъагьас. Анджах аIджалын маджал гьувы деш.  1978 сен, 58 ешее мана гьаммашийни дюнйеехъа аркIынШи, манкъуни миллетни инсанарше, манкъулхъа раIгьмат къухооли. Джига дженнете вухьенава эйгьи. 

Оцените материал
(0 голосов)
Последнее изменение Пятница, 25 декабря 2020 15:06

Читайте также

В Миннаце Дагестана прошла антинаркотическая акция "Начни с себя…

янв 28, 2021 Вакцинация

...................................................................................................

Учащиеся Кининской школы Дагестана провели акцию «День добрых дел»

янв 28, 2021 Образование

...................................................................................................

Прокуратура Рутульского района проведет прием граждан с выездом в сель…

янв 28, 2021 Общество

...................................................................................................

Коллектив Минтруда Дагестана ознакомился с условиями и процессом вакц…

янв 28, 2021 Вакцинация

...................................................................................................

Коронавирус: ситуация в Дагестане на 28 января

янв 28, 2021 Общество

...................................................................................................

Вакцинация

В Миннаце Дагестана прошла антинаркотическая акция "Начни с себя…

янв 28, 2021 Вакцинация

...................................................................................................

Коллектив Минтруда Дагестана ознакомился с условиями и процессом вакц…

янв 28, 2021 Вакцинация

...................................................................................................

Сотрудники Минмолодежи Дагестана готовятся к вакцинации от COVID-19

янв 28, 2021 Вакцинация

...................................................................................................

Сотрудникам мэрии Махачкалы сделали прививки от коронавируса

янв 27, 2021 Вакцинация

...................................................................................................

glrd

 

nsrd

 

prd

Ad Sidebar
Нур - сетевое издание © 2014. Все права защищены.

Яндекс.Метрика

Top.Mail.Ru