Сениле-сенилхъа йихъбышди джаванаршини арайл’ спортулхъан аlшкьый гьавас хаlд хъехьи водун. Къийна манбыше джурабаджура турнирбышее, чемпионатбышее иштырак гьаъа, ахтын джигабы аххъаххъа водунбы. Гьайни делесийвалее манбышин сиягьый Гьаlджиев Мурадее хаlд хъау.

Мурад спортука маlшгъул­ехьена хаlдда сенбы водунбы. Манкъун спортулхъан мугьуlб кlыл’валиле гидгъыл. Гьаlшде мана Дагъыстанее грэпплинг сачахарани оюнни спортсменаршина са ворна. Гьинчиле сабара вахтна гьихъа Мурадее джун делесинбы, тренер, гьамбазар шадавъу. Манкъве Черкесскни шагьарее илгъечlуйни грэпплинг, грэпплинг-ги сачаахаранбышди Къузайл’ни Кавказни чемпионате цlеббийна джига авхъу. Мана чемпионни доюс лайикьра къаджы. Хьоцlал’ кило чеке сачаахаранбышди аlрайл’ манкъука хъооlна ыхьа деш.Мурад спортука маlшгъул­ехьена хаlдда сенбы водунбы. Манкъун спортулхъан мугьуlб кlыл’валиле гидгъыл. Гьаlшде мана Дагъыстанее грэпплинг сачахарани оюнни спортсменаршина са ворна. Гьинчиле сабара вахтна гьихъа Мурадее джун делесинбы, тренер, гьамбазар шадавъу. Манкъве Черкесскни шагьарее илгъечlуйни грэпплинг, грэпплинг-ги сачаахаранбышди Къузайл’ни Кавказни чемпионате цlеббийна джига авхъу. Мана чемпионни доюс лайикьра къаджы. Хьоцlал’ кило чеке сачаахаранбышди аlрайл’ манкъука хъооlна ыхьа деш.Мурад Магьаlчкъалайни шагьарее «Атлант» донани клубна спортсмен ворна. Манкъуна тренер Мугьаlммадрасул Гьаlджиев ворна. Манкъуни увгьойка, Мурад геер баджарухуквана спортсмен ворна. Мана гьаlракатыка, дирибашра, джомардра сачайхар. Грэпплинг дагъамын спорт водун. Мааъаб садджу такьатукван джаванарше баlстбы ыккекка. Захъад геледжагъыл’ манкъулхъан хаlдын инам водун. Мурадее хъийгъыйни чемпиоантыбшейид джун гьунар гьагвасын, ахтын джигабы ахъасынбы. Гьинчиле сабара вазбына гьихъа Мурадее Хасавюртни шагьарее илгъечlуйни Дагъыстанни чемпионатейид югун натиджабы гьагу. Мана Дагъыстанна чемпион ыхьа.Мураде увгьойн: «Йизда ыlмыр спортука багълыба. Югна спортсмен ихьесдимее, хаlбна заlгьмат гьааъас вуккан. Къийна зы чалышмишхьана йизди клубын, тренерын, республикайн до ахтывалле гьуваджес. Геледжагъылид зы мани йаlххъын аlл’гьааlсда».Йишди спортсмене спортука саджигее хъаlдхъийсыб фыкыр гьооли вобна. Манкъун до мактабейид югунбышди джаргее водун. Маъаlллимарше, гьамбазарше манкъус гьуlрмат гьаагва.Гьаlшде Мурад тренерикайий гьамбазаршика Россиейни чемпионатыс гьаlзирехьи ворна.  Манкъуна хаlббанана вахт спортзале илгъоочlи. Мана Россиейни чемпионате ахтына джига авхъасдимее гуджнака гьаlзирехьи ворна. Мани оюнбыше Мурадее ахтына джига авхъасдава шахъадыд хаlдын инам водун. Манчиле хъийгъа, мана шакlле дюнйейни чемпионатбышее къаджес. Мурадни игитйвалайс гыргынбыше ахтына къиймат гьооли. Манкъвее садджу тренерын, гьамбазаршин, делесинбышда деш, гыргыни йихъбышда дараджа агъалла хъааъа. Мурад, йишди миллетын къийхъыйн йигъ гъу хьиненни игитершика багълыда. Нур кlазетни редакциейн вас угъурбы аlрзаъа.