АI. Рамазанов: «Инсанын» геледжагъылид хыл’ авхъасын тадбырбы къаджесынбы

Фонд «Инсанын» Сувал’ни дерайл’  касиб хизанбышис, дареехъа гябкIуйни хизанбышис, инвалид ушахарнани хизанбышис садакьа битIалаъан хаIдда сенбы водунбы.. Касиб инсанаршис кумаг гьувой хаIдын сувааб водун. Мана Исламни динына сунна вобна.

Сувал’ни магьаIлыл’ хайирхагь фонд «Инсанын» филиал ачмышхьайн хаIбба вахт дешда, амма манчин иш къулайка вукекка вобна.  «Инсан» фондни гьаIкIеедын маIълумат шас Гыл’мецIни манзикни имаме АIсадуллагь гьаIдже гьуво: «Хайирхагь фонд «Инсанна» метлеб вобна касибни мусурманаршис хыл’ авхъуй, раIгьыIм гьавъуй ва маIргьаматыйвалла гьуваджий. Мани фондын, йишди дерайл’джаб деш, медни районбышейиб хайирыквана иш вуккекка вобна.  Манбыше инсанаршис ойхьанан кар, аляъан палтар, тикинти материал битIалаъа. Гьел’бедти, шинад манбы лазымни инсанаршилхъа гьихьараъа». АIсадуллагь гьаIджий гьам фондн «Инсанна» Сувал’ни  дерайл’на эл’чий ворна. Сувал’ни магьаIлыл’ хайирхагь фонд «Инсанын» филиал ачмышхьайн хаIбба вахт дешда, амма манчин иш къулайка вукекка вобна.  «Инсан» фондни гьаIкIеедын маIълумат шас Гыл’мецIни манзикни имаме АIсадуллагь гьаIдже гьуво: «Хайирхагь фонд «Инсанна» метлеб вобна касибни мусурманаршис хыл’ авхъуй, раIгьыIм гьавъуй ва маIргьаматыйвалла гьуваджий. Мани фондын, йишди дерайл’джаб деш, медни районбышейиб хайирыквана иш вуккекка вобна.  Манбыше инсанаршис ойхьанан кар, аляъан палтар, тикинти материал битIалаъа. Гьел’бедти, шинад манбы лазымни инсанаршилхъа гьихьараъа». АIсадуллагь гьаIджий гьам фондн «Инсанна» Сувал’ни  дерайл’на эл’чий ворна. Январьни 31-чил’ АIсадуллагь гьаIджи Мишлешни хивее сафарийква ыхьа. Манкъвее хьебни хизиныс «Инсанни» дойиле кумаг гьуво. Са хизаныс инвалидаршина каляска гьувы, хъоIдъэсди хизаныс 3 аазыр маныт пылна, хьебыдъэсди хизанысыб 1 машукI хоIйна  гьувы. Аллагьее манбыше темизни фыкрека гьувойн садакьа кьабыляъан.  АIсадуллагь гьаджийни увгьойка, фонд «Инсанна» киса инсанарше гьувойни фитIрабышиква ва закаIтбышиква гяцIяаъа. ГьоIкуматни сураке  ваяхуд ташкилатбышди сураке махъа хъооIн кумаг дешин. Манкъвее Аллагьна йаIхъ авхъуйни ва кумаг гьелени инсанаршикIле баракаллагь ва джос югун гьеленва эйгьи.АIсаддуллагь гьаIджее эйгьен:  «Инсанын» геледжагъылид маIгьдын имкан дешди инсанаршис хыл’ авхъасын тадбырбы къаджесынбы. Гьасре Аллагье ман ишбы кьабылеъэджин ва суваббышис окIнеджин.Ши «Инсаныс» баракат аIрзуламишааъа. Темизни йикIека гьелен садакьа Аллагье кьабыляъан. АIсадуллагь гьаIджийс ши Аллагьыке хыллийна, сагъна ыIмыр гьооххъа.