Февральни 22-чил Гыл’мецIни йыIкьнекни мактабее Ватан къорамишааъанбышди Йигъыс къабсырна маджлис вухьа.

Маджлис мактабни хааIрни пионервожатее АIсадуллаг Рамазанове вукку. Байрамни таарыхни аллан чыхыш мактабни военруке Асланбег8 Давудове гьау. Манкъве джуни чыхыше агъмышаийн, Ватан къорамишавъуй, эскере къуллух гьавуъй оIлкайни вугIул’ни гьар касын бордж водун. А. Давудовни увгьойка, Гыл’мецIын мактаб быкырауйни джегьилерше Ватанни гьийдын бордж игитийваликва, йаIгь-ламысыква хъели водун.Ман джуваббы джо къуллух гьааъани частьбышди кIамандирарше деккий ед’ни, мактабни доюлхъа къаховуйни миннатдарийвалла агъмышааъани кагъызбыше тасдикьаъа.Гойне хьинне Асланбег маъаIллиме мактабын санихьыйн шигыртар, къийнийн Ватан къорамишааъан эскерар байрамука табрикавъу. Манбышди аIрее — Шагьмур АIгьмадов, Мубариз Байрамов, Акиф ДжуIмаев, Гейфидин ДжуIмаев, АIббас ДжуIмаев,Микаил Исрафилов, Умахан Исрафилов , АIлихан Искендеров, Тамерлан Кьурбанов, Амрах Кьурбанов, АIлимагьаIммад Мирзоев, Эмзар Мирзоев. Хъийгъа летти мактабни шигыртарше байрамни темайс ааидын шечIбы хъаIдхъы, конкурсбы алгъавгьу.Асланбег Давудов, Гыл’мецIни мактабна военрук