Гьайни сен кьыIд’мына Хорайни сувале гIал’кIена адыйни ыкIейкIбыше ЦIаIхни хивыс хаIдын зиян гьувы. Манчин хайбы, гараджбы, йицIабы, йаIхъ-кьыIт харабабышилхъа сакIалау. Йизыни суван, алибни Сувал’ни маIгьалылхъана поштина йаIхъ утIумавъу. Инсанаршилхъа хаIдда йигъеш ады.

Дагъавтодорни, МЧС-ни, Пожарный частини кумагбышиква ыкIейIбышике йаIхъ темизявъуна. Анджах зиян хъетIуйни инсанаршис районни, республикайни, гьоIкуматни сурале гьалекийс кумаг ыхьа деш. Манчихъа ил’дяаку, йишди ишкарарше, къулухчерше одхьанни каракван кумаг алидни дерайни хиваршис гьувойн. Мани йигъбышее ЦIаIхеехъа вуIххъа-хъооIн инсанар кIылба деш вухьа. Фаляакатыхъва ил’дяакы, абыйн мигьманар хивни джамаъаIтын къаршламишавъуйнбы ва ёласалмишавъуйнбы. Хусусы тиклибышиле гъайре , ыкIеекын хаIдын зиян манзикыс , клубыс гьуво. ЫкIейкIни гуджин манзикын диварбы гьалед аIраламишауйнбы. Чатагъбы чIакIы хъыхьа. Мана манзик — медресе ( ЙыIкьнекни асырбышеедын университет ал’ Низамия) быкырни оIлкайна джаб таарыхна абида вобна. Манзик-медресейни гьаIкIее  китаббы, макьалебы, асырбы чIакIни ааIлимарше, язычерше, журналистарше одкIун. Къийна манчини гьаIкеена хъобкуна хабар интернете вобна. Манчихъа гора, мана йиссени чини либасылхъа гьокуматын хъааъас вуккан. Манчини балейиб ши, йишин къуллухчер, депутатар авхъас вуккан.  Умудбы гьеленбы хаIббабы вобунбы, анджах гьалекийс мана иш гьаIракатыква оIгеехъа аIлгьаа къооджи деш. Хивни джамаъаIтын, кьома хивни администрациейни хааIрункъука Вагиф АIлиевыква мани сардан хаIдда ишбы къеджи водунбы. Манбыше манзик хъааъас кумаг гьеххъан кагъызбы районни, республиквайни, гьоIкуматни  къуллухчершилхъа, ишкараршилхъа  йаIххъыIляу. Няъасмы манчин джаваббы цIыцIахьи водунбы. Вагиф АIлиевни увгьойква, кумаг гьеххъан хивни джамаъаIтын хааиш сенаторылхъа, ишкарылхъа Сулейман Керимовылхъа  гьидхьырийн. Манкъуни мислягьаIтыква гьайни дёлесийвале ЦIаIхеехъа, джигайл’ вазият ваацIавхьес, ДР-ни Госсекретарна Хизри Абакаровна кумагчий Ренат ШихгьаIсанов ары. ЦIаIхни администрациейни хаарынкъука В.АIлиевыква, ЦIаIхни дерайни имамыква Э.Сулеймановыква, манзикни имамыква Дж. АIббасовыква мана манзикеехъа эчIу ва аанче , къаанче манчини одкIулааIни диварбышихъа, хъуркихъа иляккы. Манчиле хъийгъа, Р. ШихгьаIсанове  джуваб гьуво къаджейнчина ва къайиххьынчина хабар лазымни инсанаршисахъа гьивхьараъас. Мани горушиле  хъийгъа, умуд вобна макнзик хъааъа гивгъаласынбы. Дагъавтодорни, МЧС-ни, Пожарный частини кумагбышиква ыкIейIбышике йаIхъ темизявъуна. Анджах зиян хъетIуйни инсанаршис районни, республикайни, гьоIкуматни сурале гьалекийс кумаг ыхьа деш. Манчихъа ил’дяаку, йишди ишкарарше, къулухчерше одхьанни каракван кумаг алидни дерайни хиваршис гьувойн. Мани йигъбышее ЦIаIхеехъа вуIххъа-хъооIн инсанар кIылба деш вухьа. Фаляакатыхъва ил’дяакы, абыйн мигьманар хивни джамаъаIтын къаршламишавъуйнбы ва ёласалмишавъуйнбы. Хусусы тиклибышиле гъайре , ыкIеекын хаIдын зиян манзикыс , клубыс гьуво. ЫкIейкIни гуджин манзикын диварбы гьалед аIраламишауйнбы. Чатагъбы чIакIы хъыхьа. Мана манзик — медресе ( ЙыIкьнекни асырбышеедын университет ал’ Низамия) быкырни оIлкайна джаб таарыхна абида вобна. Манзик-медресейни гьаIкIее  китаббы, макьалебы, асырбы чIакIни ааIлимарше, язычерше, журналистарше одкIун. Къийна манчини гьаIкеена хъобкуна хабар интернете вобна. Манчихъа гора, мана йиссени чини либасылхъа гьокуматын хъааъас вуккан. Манчини балейиб ши, йишин къуллухчер, депутатар авхъас вуккан.  Умудбы гьеленбы хаIббабы вобунбы, анджах гьалекийс мана иш гьаIракатыква оIгеехъа аIлгьаа къооджи деш. Хивни джамаъаIтын, кьома хивни администрациейни хааIрункъука Вагиф АIлиевыква мани сардан хаIдда ишбы къеджи водунбы. Манбыше манзик хъааъас кумаг гьеххъан кагъызбы районни, республиквайни, гьоIкуматни  къуллухчершилхъа, ишкараршилхъа  йаIххъыIляу. Няъасмы манчин джаваббы цIыцIахьи водунбы. Вагиф АIлиевни увгьойква, кумаг гьеххъан хивни джамаъаIтын хааиш сенаторылхъа, ишкарылхъа Сулейман Керимовылхъа  гьидхьырийн. Манкъуни мислягьаIтыква гьайни дёлесийвале ЦIаIхеехъа, джигайл’ вазият ваацIавхьес, ДР-ни Госсекретарна Хизри Абакаровна кумагчий Ренат ШихгьаIсанов ары. ЦIаIхни администрациейни хаарынкъука В.АIлиевыква, ЦIаIхни дерайни имамыква Э.Сулеймановыква, манзикни имамыква Дж. АIббасовыква мана манзикеехъа эчIу ва аанче , къаанче манчини одкIулааIни диварбышихъа, хъуркихъа иляккы. Манчиле хъийгъа, Р. ШихгьаIсанове  джуваб гьуво къаджейнчина ва къайиххьынчина хабар лазымни инсанаршисахъа гьивхьараъас. Мани горушиле  хъийгъа, умуд вобна макнзик хъааъа гивгъаласынбы. Къийна ЦIаIхни хивее гуджнаква поштини йаIххъын ремонтын ишбы аIлгьаа водунбы. Ман ишбышда заказчик ГКУ» Дагавтодор» водун. ЙаIхъбы аIкьхъаъан ишбы ООО «Лакония» ташкилатын ыккекка. Поштини йаIхъыква багълыданан ишбы гьаъасдимее гьоIкуматын 34.5 милйон пылын къайиккас. Шаквани телефонеенчени гафее В. Алиеве увгьойн :- Хивна либас абрелхъа  абчесдимее, фыкрее хаIдда ишбы аххъы водунбы. Сабара хивни аIреедын ишбы  джегьилершини кумагыква, джони фондни харджийбышиква гьауйнбы . Анджах сабара чIакIын ишбы гьаъасдимее гьоIкуматын кумаг гьелес ыккан. ГьоIкуматыкен кумаг гьеххъасдимее, манчини къайгъвее аахван инсанар вуккан. Шукур Аллагьылхъа , манбыб вобунбы. Хил’дже вахт вобна хивни аIрее, манзикни гьийб йаIхъбы гьаъанбы ишлемишоохьен. Манзикни гьийдын майдам хаIдхъаъасдиме, цIедда оони суракин ганз гьидкIур. Гойне йиван швеллербы гьодкау гьихъа, арматурайква манбы гьидхырийнбы. МаIгьдын джад швеллербы , манзикни гунайни сурал’ни мыIгъадилхъа гиххьы. Каркас савъуйле хъийгъа , манчеехъа бетон кIёдацци водун. Инженераршини пIланыква, гьийдын, дамани суракин джигва айван хьинне ихьес. Хъийгъа огъанче гйиваний бетоны гьаIсар гихььес. Ушахар, машинбы манче къымаъадакIваджинва. Мазикни гьийдын майдам абрелхъа адчийле хъийгъа, мааъаб ХаIбни Ватанни даIвъийе вухьайни ветеранаршис къабсырна гьаIйкал гивхьес. Мани абидайк’ гыргыни ветеранаршин фамилиебыйий добы окIанас. Манчиле гъайре, фыкрее водун манзикни гьийд хивын таарых одкIунийн хаIдын плита гиххьый. Садджу мааджад деш ишбы гьаъа водунбы. Хивеехъа аIккяаIн ва хивеенче хъыIгъаан джигабыд абрелхъа хъаляъа водунбы. Йиссейн йицIабышин, хайбышин харабабы хъодтул , къае някьв са суралхъа сааъас. ШокIле ацIан йигъыс оIххъа-хъоон инасанар, — къулухчера, военныйбы, туристар,- камоохьи деш.  Манчихъа гора, ши йишди хивна либас абрелхъа идябче, шавааджаб абчес деш. Мед зы эйгьен: « Шахъаб маIгьбын игитера вобунбы». Гьайин йаIхъбышин ишбы  Дагъавтодорее ишлемишоохьени йишди хивни чубабышди: РаIгьимов ХанмаIгьамад МаIгьаммаднийий УIмаханов Замир ГьаIджиуIмаханни духйешини кумагыква гьаъа водунбы. МанбышикIле хивни джамаъаIтын сагъул — варул эйгьи. ДжитIада, ши чалышмишивхьесынбы ЦIаIхий, манчин до, хаIдын йиссейн таарых гьуваджес. Мана гыргыни цIаIхбышда марказ вобна.Ши мислягьаIтеехъа хъабыйнбы, гыргын ишбы таамауйле хъийгъа, кумаг гьауйнбышди, мааъаб ишлемишивхьайнбышди гьаIкеедын ,ЦIаIхни администрациейни хаIрын­къука саджигее  аIтрафлы  маIълумат окIанас.Инам гьаъан, алебтIуна иш Аллагьни кумагыква  аIхрехъамее гьивхьарааъасда.