АIдатеехъа гидхьу, гьар сен августни вуза Муслагъни хивее волейболын оIюн джегьилершини ва адамершини аIрее илгъечIи. Гьайни сеныб мани аIдатыке къирагъылхъа хъувхьа деш. Ман турнир хивни фондын «Муслах- край родной» къурмишау. Волейболын турнир аIл’гьаани йигъыл’, Муслагъни йыIкьнекни мактабни майдамахъа, тамашейс хивын джамаъаIт хъигъечIу. Шас мани спортни байрамни гьаIкIеедын маIълумат «Муслах- край родной» фондыни садрее Шериф Мамедове гьувы:
— Йишди хивын фонд ишлемишехьи гидгъылыйн кьоIдле сен водун. Мани фондыни метлеббышди, гиххьыйн месалабышди, гьауйн, гьаъани ва гьаъасди ишбышди гьаIкее «Нур» кIазете ши интервью шаца гьувойн. Къийна фонд къулайлхъа гидхьу ишлемишехьи водун. Йишди фондына са мураадыб вухьана гьар сен августни вуза сувал’ни Муслагъа хивын Йигъ алгъавгьуй. Къийна шахъад гыргын имканбы водунбы ман байрам хаIдни гьаIракатбышиква алгъагьасын. Анджах , шацад, гьайни сенид хивын Йигъ алгъагьас коронавирусни чIырвалин шас имкан гьуво деш. Йишди ниятее ыхьайн хивын Йигъ алгъайгьени йигъыл’ цIаIхни мизеква, адабиятыква, фольклорыква, таарыхыква багълыданан джурабаджур маджлисбы алгъавгьуй. Коцерт цIаIхбышди маIънийбышикван, мыкIаршикван, аIдатбышикван гьагуй ыхьа. Манчиле гъайре, хивее джурабаджур йигъынджагъбы алгъавгьуй ыхьа. Гьайни сенийн волейболын турнирыд мани программе ыхьа. Ин ша Аллагь , мана чIырвалла абкIынле хъийгъа, ши августни вуза хивын Йигъ алгъагьасын. Йишди фондыхъад гьеххаликва ман Йигъ алгъагьасын пылыд, имканбыд водунбы. Хивыхъа джан гёдхьанан адамер, джегьилер муслагъбышихъаб вобунбы.- Йишди хивын фонд ишлемишехьи гидгъылыйн кьоIдле сен водун. Мани фондыни метлеббышди, гиххьыйн месалабышди, гьауйн, гьаъани ва гьаъасди ишбышди гьаIкее «Нур» кIазете ши интервью шаца гьувойн. Къийна фонд къулайлхъа гидхьу ишлемишехьи водун. Йишди фондына са мураадыб вухьана гьар сен августни вуза сувал’ни Муслагъа хивын Йигъ алгъавгьуй. Къийна шахъад гыргын имканбы водунбы ман байрам хаIдни гьаIракатбышиква алгъагьасын. Анджах , шацад, гьайни сенид хивын Йигъ алгъагьас коронавирусни чIырвалин шас имкан гьуво деш. Йишди ниятее ыхьайн хивын Йигъ алгъайгьени йигъыл’ цIаIхни мизеква, адабиятыква, фольклорыква, таарыхыква багълыданан джурабаджур маджлисбы алгъавгьуй. Коцерт цIаIхбышди маIънийбышикван, мыкIаршикван, аIдатбышикван гьагуй ыхьа. Манчиле гъайре, хивее джурабаджур йигъынджагъбы алгъавгьуй ыхьа. Гьайни сенийн волейболын турнирыд мани программе ыхьа. Ин ша Аллагь , мана чIырвалла абкIынле хъийгъа, ши августни вуза хивын Йигъ алгъагьасын. Йишди фондыхъад гьеххаликва ман Йигъ алгъагьасын пылыд, имканбыд водунбы. Хивыхъа джан гёдхьанан адамер, джегьилер муслагъбышихъаб вобунбы.Засыр гьайни сен кьисматхьа деш хивеехъа волейболни турниреехъа оIххъас. Зы чIыры хъыхьа больницехъа гирхьу. Анджах йизын рыIгь, фыкырбы мани йигъыл’ хивее ыхьа. АлгъааIн волейболын турнир закIле прямой эфире къаджейн.Хивни Йигъыс къассырыни волейболни оIюныс ши аIдатыйба гьазирувхьаний. Гьихъа джад экипировка, топпар, сетIкIа, кубок, призовой фонд гьазирауйн. Мани йигъыл’ хивеехъа медни шагьарбышее, районбышее ешемишоохьен муслагъбыб абыйнбы. Волейболын турнир гыргын спортын таIбалбы гозетяъа илгъечIу. Призовой фонд хаIдын гьаъасын шахъад имканбы ыхьайнбы, анджах пылылхъа гьаIйран девхьесдимее, 15 аазыр пылна гивхьу, сайид кубок алищу. Ман пылыд йишди спонсорарше гьуво. Гьайни сенийни турнирын формат ши вахтыс, джигайс, имканбышис сикIы бадалауйн. Шаца шахъа хьейибле команда – «Муслагъ», «Анжи МаIгьачкъала», «МаскIав» ыхьа. Шацыйн оIзяг ахуйн, анджах шацыйн инсанар девхьайхъа гора, «ЦIеббыйна», «КьоIбъэсда». «Хьебыдъэсда» каманда гьавъу….»Мани турнирыс кьиймат жюрийн: Мустафа МаIгьаррамове (Муслагъни мактабна директор), ШаIъбан Мамедове («Шукур» фирмайна гениральный директор), Муслим ГьаIсанове (оIгийл’на кIалхозни бухгалтер), Самир Ферзалиеве («Шукур» фирмайна ишчтий, Астарханна эл’чий) гьуво.Волейболни оIюнын баIстбы гьайни командабыше гьагу: 1-на командаФерзалиев Н.Я., АIгьмадов М.З., Наврузов М.М., Баширов Гь. Н., ГьаIджимусаев Гь. АI.2-да командаНаврузов Дж. Р., МагьаIррамов А.М., МагьаIррамов Д.М., МагьаIррамов Х.Н., Наврузов Г.Д.3-да командаНаврузов Т.Р., Наврузов З.М., Наврузов Н.Т., Наврузов Г.М., ШаIъбанов Р.Р.Жюрийн екунбы гьаыйле хъийгъа , 1 джига 1-ни командайс гьуво. Мани командайс кубок ва 7 аазыр манат пылна гьуво. Кубок ва пылыкван конверт командайни капитанысахъа Н.Я. Ферзаливысахъа хъуво.2-да джига 2-ди командайн авхъу. Манбышди капитаысахъа Дж.Р. Наврузовысахъа кIанверт 5 аазырыкван гьувы.3-да джигаб 3-ди командайн авхъу. Манбы медни шагьарбышеенче абыйн муслагъбы вухьа. Капитанысахъа 3 аазырыкван пакет гьуво.Мани турнирна метлеб : хивын джамаъаIт саджигеехъа сауй вухьа. Турнирее муIгьуббат, гьамабазыйвалла, мислягьаIт гъамувхьа. Геледжагъылид маIгьдын маджлисбы ши мед алгъагьасынбы, — Шериф Мамедове увгьы.
