Декабрьни вуза «Нур» кIазетын ишчера Бабаюртни районеени  цIаIхбы, аварбы, рутулбы ешемишоохьени хиваршее вухьа. Махъа гьабкIынна макьсаб джигайл’ инсанаршина вазият ваацIавхьай ва дагъамийвал’бышиква танышивхьай вухьа.

Ши Камбулатни, Калел’ни, Теземуслагъни, Быршни хиваршини   мактаббышее, хивни тасарруфатни ташкилатбышее, администрацие ,амбулаторие, ФАП –ше вухьа. Ташкилатни чIакIынбышиква горушмишивхьа. Манбыше джо гьааъани ишиква танышавъу ва  шас джона къийнийна вазият йишонаваъу. Манчини гьаIкIеедын макьалебы йишди журналистарше кIазетее, журнале, соцсетбыше гьувойнбы. ОкIанасын макьалебыд мейид водунбы. Ши Камбулатни, Калел’ни, Теземуслагъни, Быршни хиваршини   мактаббышее, хивни тасарруфатни ташкилатбышее, администрацие ,амбулаторие, ФАП –ше вухьа. Ташкилатни чIакIынбышиква горушмишивхьа. Манбыше джо гьааъани ишиква танышавъу ва  шас джона къийнийна вазият йишонаваъу. Манчини гьаIкIеедын макьалебы йишди журналистарше кIазетее, журнале, соцсетбыше гьувойнбы. ОкIанасын макьалебыд мейид водунбы. Шинаб махъа кьаIрани хылепбышиква гьабкIын деш. Мактаббышди шигыртаршис пайис цIаIхни мизел’ ва урусни мизел’ одкIунийн китаббы, кIазетбы, журналбы ыккы.  Манчини аIрее сабара гагьна гьихъа чапыке къайиккыйн хьебни мизел’ – урусни, цIаIхни, рутулбышди – одкIунийн Фазил Дашлайн китаб «ЧIорай» («Рыжик») ыхьа. Манчиле ушахар гейб шадувхьа.  Ши оIгийл’ «Нур» кIазетее Калел’ни мактабеени едини  мизени утагъни гьаIкIеена макьалений гьуво. Мани утагъее цIаIхни мизеква, адабиятыква, маданиятыква, фольклорыква  алаакьан китаббы,  ыIгьтаджбы, дезгагьбы, о1гийлин тюлибы водунбы.Мактабни директорыква Фергьад АIлиевыкайий маъаIллимайка Гуляра Аслановайка  саджигее ши мани утагъеехъа  гьабкIын.  Манбыше шас манчини гьаIкIеедын  маIълумат гьуво. Шинад пайис мактабыс йищди шааираршин ва язычершин китаббы гьувы. Ф. АIлиеве мактабни маъаIл­лимаршини, ушахаршини сураке сагъул-варул увгьо. Манкъвее увгьойн: «Ши гьаммаше чалышмишоохьенбы едини мизени, адабиятни дарсбышилхъа кIорана  фыкыр гьевлес. Гьел’бедти мани карее шас хаIдын кумаг «Нур» кIазетыныд гьелен. Ши гьар сен  «Нурын», «Лачинын» подпискабы гьаъа. Манчеедын материалбы дарсбышейид ишлемишаъан». Гойне мактабни магьаIлее едигарыс саджигеедын шикыл’бы цIыцIау.