Дюнйейл’ гьар сен, февральни 11-чил’, ЧIырынбышин йигъ алгъайгьи. Мани йигъна макьсад мана вобна – чIырыни инсанаршилхъа фыкыр гьувой, манбышил’ мугъаетывхьай, йыIкьни хастаал’бышиква чIырынбышис хыл’авхъуй. Ман йигъ алгъагьасда кьараал’ 1992 сенни майни 13-чил’ кьабылявъу Дюнйейл’ цIедда ман йигъ алгъайгьи 1993 сенни февральни 11-чил’ гидгъыл.
ГьаIшде мани йигъыл’ хаIдданани дюнйейл’ни гьоIкуматбышил’ 11 февралее чIырыни инсанаршис къадсырыйн акциябы, форумбы, маджлисбы илгъечIи. Мани йигъыл’ профилактик ишбы ыккекка, чIырынбышисахъа гьавайкIан ва манбышис маалидже гьаъас дарманбы, вейбар гьели. Мани йигъыл’ сабара оIлкабышил’ эб хъевлес гьавайкIан, спортын оIюнбы гьагва. Мани йигъынджагъбышее сауйн пылбы, чIырынбышис маалиджебы гьаъас битIалаъа. ГьаIшде мани йигъыл’ хаIдданани дюнйейл’ни гьоIкуматбышил’ 11 февралее чIырыни инсанаршис къадсырыйн акциябы, форумбы, маджлисбы илгъечIи. Мани йигъыл’ профилактик ишбы ыккекка, чIырынбышисахъа гьавайкIан ва манбышис маалидже гьаъас дарманбы, вейбар гьели. Мани йигъыл’ сабара оIлкабышил’ эб хъевлес гьавайкIан, спортын оIюнбы гьагва. Мани йигъынджагъбышее сауйн пылбы, чIырынбышис маалиджебы гьаъас битIалаъа.
Гьел’бедти, мани ишее хаIдын юк джолхъа дохтурарше, медсестрабыше, фельдшерарше, санитаркабыше, социал ишчерше аляатIа. Манбыше садджу чIырынбы дарманбышикайий вейбаршикаджаб деш, камалыкванийий серрасыни ихтелетиква хъувабкааъа. Сасса вахтал’ джувабна гудж нимеехье дарманылейий вейбайле гуджнака вобна. Исламни динее мани каралхъа хаIбна фыкыр гьооли. Манчини гьаIкIее хаIдда гьаIдисбы водунбы. Мусурманийн бордж водун чIырынкъулхъа ал’джаххвас гьаркIыний, ХаIдни йигъбышил’ манкъусахъа баракайс гьаркIыний, фитIра манкъуни вукIлеле къайищуй, чIырвалике сибыкауйнимее Аллагьыке доъаI гьевхъуй ва медынбы.Къийна дюнйейл’ аазырбышиква чIырывал’бышин джурабы водунбы. Сабаранбы дюнйейлхъа абыйнкъаI джаб чIырыба воохьи, сабаранбы авариебышеехъа гябкIы чIырыхъоохьи, сабаранбышди джанас зиян даIвъийбышее эхьи, сабаранбышиххъа чIырвалла хъигъоочIена. ЧIырвал’бышихъаб ваIш багьна вобана. Анджах гьаммаше фыкрее аххъас ыккан : чIырвалла гьооленар ва хъуваркаъанар Аллагь ворна. Дохтурын санаъаIтыд Аллагьыке хъооIн водун. Хьебыръэсдар, джуни джанана есси вудж инсан ворна.
Инсан джуни джанал’ вудж мугъаетхьес ыккан. Джуни джанан джуваб манкъвее Аллагьни гьийд хъелес. Мысаджад джан гуджеехъа адчес ыккан деш, вахтал’ джан ёхламишаъас дохтураршисахъа оIххъас ыккан, ички илёгъас ва пIапIрыс цIыцIаъас ыккан деш, темизин кар охьанас, хьян илёгъас ыккан. Къийна ман тIабалбы гозетяуйид, вахарийн кар дешодун. АIсас шагьарее ешемишоохьен инсанар экологиейке аIслыба. Эле хиваршеейиб гьамагьаIбна джаб вазият вобна. Къийна радиациейкеб хаIдын зиян инсанаршини джанас хъетIа. Са сураке электрон техника раIгьатни меега югда ыхьейид, шениса сураке джанас хаIдын зиян манчике хъетIа водун. Дюнйейл’ гьаIшде хаIдданан хастаал’бы манчиква алакьада водунбы. Онкологиейке чIырынбы хаIбхъебхьа. Хъийгъа йикIен хастаал’бы, нервыбышика алаакьан чIырвал’бы къат-къатна хаIдхъыхьа.АIхреени вахтал’ джюнйе мебни чIырвалин – коронавирусын « сиркаламишау». Дюнйейлхъа мана баляа кьоIдле сенна гьихъа абы. Манчин гыргын кар охале хъыгъавгьу. КIоронавирусын милйонбышиква инсанар шени дюнйейлхъа вуккы. Къийнад манчин оIги ыIхы дешодун. Мани чIырвалин вахтале — вахталхъа чина либас бадалааъана, йаIъни тезе-тезе штаммы манчин аIреенче хъигъечIи. Са штаммыс эксинана вакцина гьавъу быкырааъассе, медын мани чIырвалин штамм аIреехъа хъигъечIи. ГьаIшде дюнйе «омикрон» штаммыква гьичIойкар водун.Йишди гьоьIкуматылиб мана чIырывалла еймишивхьа вобна. Йигъыс тезе-тезе чIырынбы ашкароохьи. Больницабы гяцIы водунбы. Дохтурарашини увгьойка, манчин оIги садджу вакцинайн явашаъас. Агар садибын иммунитет къалхымишеъээ, мана чIырвалла далыйлхъа савкIаласда. Манчинимее 70-80% дюнйейл’ни инсанарше вейбар ыIхас ыккан. Хъийгъад гьаргьаммаше профилактик ишбы ыккейс ыккан. Мисала вобна: «Хъуваркауйле, аIгьтият гьавъуй вахарийда водун».Гыргынкъус джанана сагъвалла аIрзуламишааъа. Гьарункъвее джун, джуни хизанын, гогьар-гьамбазын джанбы къорамишеъэ!
