2018 — 2019-ъэсын хъаIдхъийн сен таамхьайн. ЙицIыссадъэсди сыныфбышди ушахаршис мактабеедын аIхреедын зенг ыIхийн. Манбышди оIгее хыллийна, «доламабышиквана» йаIхъ вобна. Мани йаIххъыке манбышин геледжагъ аIслыда. Гьалекийс манбышди гьийб илёбзурна вааджибна иш, интагьаIмбы ЕГЭ-бы (интагьаIмбы) хъувой вобна.
Гьар сен ЕГЭ – ди программайхъад джурабаджур бадалхьайбы ва тезе усулбыйий тIалаббы аIреехъа хъайли. Манчин сабара ушахаршина ыIмыр «гьавакьарааъа». Шацыйни сен Дагъыстанее ЕГЭ-бы хъелес дяаIхыйнбыб вухьайнбы, ман ушахар аттестатбы дена авху. Мана югна иш дешобна. Манчин шакIле йишди хъаIдхъийн «кIиваIн» джигабы гьагу. Манчин ушахар, джон деккяр едяр фыкырамышивхьес аливку. Мана сабаб вухьа , аIхреени сенбышее ушахарше джон документбы ОГЭ-бы хъувымее ( 9 сыныф таамаумее), мактабенче аляатIанбы. Манбышин хаIббананбы колледжбышеехъа, техникумбышеехъа, училищиебышеехъа хъели. Манчихъа гора 11-ъэсди сыныфеехъаме мактабее хъаIдаххъанбы кIыл’хъоохьи. Сен-сениле ман процесс гуджлемишехьи водун. Гьар сен ЕГЭ – ди программайхъад джурабаджур бадалхьайбы ва тезе усулбыйий тIалаббы аIреехъа хъайли. Манчин сабара ушахаршина ыIмыр «гьавакьарааъа». Шацыйни сен Дагъыстанее ЕГЭ-бы хъелес дяаIхыйнбыб вухьайнбы, ман ушахар аттестатбы дена авху. Мана югна иш дешобна. Манчин шакIле йишди хъаIдхъийн «кIиваIн» джигабы гьагу. Манчин ушахар, джон деккяр едяр фыкырамышивхьес аливку. Мана сабаб вухьа , аIхреени сенбышее ушахарше джон документбы ОГЭ-бы хъувымее ( 9 сыныф таамаумее), мактабенче аляатIанбы. Манбышин хаIббананбы колледжбышеехъа, техникумбышеехъа, училищиебышеехъа хъели. Манчихъа гора 11-ъэсди сыныфеехъаме мактабее хъаIдаххъанбы кIыл’хъоохьи. Сен-сениле ман процесс гуджлемишехьи водун. Йишди республике, гьайни 2019 сен, ЕГЭ –бы хъелес 12 аазыр ушах къайиккы.Дагъыстанее ЕГЭ-бы хъодкуда , саIгьфбы дена, ачухда, темизда алгъагьасдимее аазырбышиква инсан ворна ишеехъа арчу. Манбышди аIрее федерал фагьамчерайий, экспертбы водунбы. Манбыше ЕГЭ-шди къайдайс назарат гьаъа. Агар терсинан карбы къаджее, манбыше марказеехъа ашкараъа.Гьайни сен мактаббышди къавуккуйнбыше цIеддыйн ЕГЭ-бы географиейкенайий адабиятыкена майни 27-чил’ хъуво. КьоIдъэсда ЕГЭ математикайна (базовой ва профильный ) майни 29 –чил’ хъуво. Майни 31-чил’ таарыхекенайий химиейна ЕГЭ-бы хъуво. Июнни 3-чил’ урусни мизекена ЕГЭ хъуво. Июнни 5-чил’ хаариджий мизекенайий ( оокIанни къайдайл’), физикайна ЕГЭ-бы хъуво. Июнни 7-чил’ хаариджий мизекена ( йишонни къайдайл’) ЕГЭ хъуво. Июнни 10-чил’ обществознаниейкена ЕГЭ хъуво. А1хреедын ЕГЭ-бы, июнни 13-чил’ , биологиейкена, информатикайна ва ИКТ-на хъелес.Гьайни сен республике ЕГЭ-бы хъелесдимеега гьихъаджад пунктбы гьазирау. Манбы шагьарбышее, районбышди марказбышее ачмышхьа. Мааъад чапыке аттестациейн бланкабы хъыгъавгьу, гойнед махъа одкIунийн ушахаршин тапширыгъбы сканировать гьау тестбы ёхламишаъани Федерал’ни марказеехъа оIтираъау. Манчихъа йидж къурмишауйнбы, онлайн-иляаканбы ва джо интагьаIмбы хъеленбы иляакас. ДР-ни хъаIдхъийни ва ыIлимна министр Уммупазил’ ЫIмарова мани пунктбышди санчее йихьа ва журналистаршис гойне ЕГЭ-ди гьаIкIеедын маIълумат гьуво. МаIнкъыни увгьойка, тезе техникайка 2019 сен ЕГЭ-бы хъелен пунктбы къурмишау водунбы. Манчиле гъайре къирагъыле хъобтIулни иляаканбыше манчилхъа фыкыр гьооли вобна. Шахъаб гыргын ЕГЭ-бы ашкарда ва темизда алгъагьасын имакнбы водунбы,- министре увгьо.Урусни мизекенайий математикайкена ЕГЭ-бы маджбырынбы водунбы ва мана гыргыни къоокканбыше хъеленбы. Агар ман интагьаIмбы хъидевее, гыргыни хъаIдхъийни ташкилатбышеехъана ( техникумбышеехъана, училищебышеехъана, колледжбышеехъана, институтбышеехъана, университетбышеехъана, академиябышеехъана) йаIхъ багълыба вобна. Манчиле савагьийба урусни мизекенайий математикайкена интагьаIм хъидёвее, аттестат гьооли деш. 11 сен мактабее хъаIдхъийн (дыIргъеехъа) айкIан.Гьалекийс хъувойни ЕГЭ-шин натийджабы не ушахаршикIле , не едяршикIлейий деккяршикIле, не маъаIллимаршикIле ацIа дешодунбы. Манчин сабарабы шадааъасынбы, сабарабы пашманааъасынбы. ЫIмыр манчиква таамоохьи деш. Агар ЕГЭ-бы гьаIшде хъелес даIхее, цывылихъа меб имкан гьевлесда. Манкед даIхее, кьоIни сен хъелес ихьесынбы. Умуд гьаммаше гьуваджес вуккан. Ши, «НУР» кIазетни ишчерше гыргыни ушахаршис ЕГЭ-бы югни кьийматбышика хъелес угъурбы аIрзуламишаъа .
