Гьаlшдийни замаанайл’ наркомания энки йыlкьни дагъамийвал’бышда са вобна. Сениле сенилхъа мани азарни чlанкlеехъаГьаlшдийни замаанайл’ наркомания энки йыlкьни дагъамийвал’бышда са вобна. Сениле сенилхъа мани азарни чlанкlеехъагябакlванбышин сай гьехха хъехье.

 Наркотикбышиквана хурушийвалла гьам мана загьаlр цlыцlааъанбышис, гьамыб манбышди деккяршис, едяршис, гогьар-гьамбазаршис йыlкьба гивийъар. Аlхреени вахтал’ наркоманаршини сыранее ичеер, едаар къавджес воохье. Дагъыстан Республикайни наркодиспансерни сиягье ёкьни аазырыле агъаллана инсан ворна. Манбышике ваlщеле агъаллан едаар вобунбы. ДР-ни потребнадзорни маlълуматыхъа гора, шаца йишди республике мани баляаке ваIщелхъа авабкьурийн инсан хъикlу. Геллесди вахтал’ джагварани рангал’ни заххъумын ед’, дек’ денан селлимба авхуйн ушахар «гьоогъаl». Амма гьаlшде манчин «кайф» аххъас ыккан варрыбышин ушахарыб кlыл’ба дешоб. Оlгийл’, гьайинчиле 25-30 сенна гьихъа, наркоманиейни, наркоманаршини гьаlкlее садджу кинобышее къаджес эйхьийий. Гьаlшде вазият кокале бадалувхьана. Наркоманар гьаlкlеени йаххъыlлхъа гяагьас воохьейе? Гыргын кар инсанни джуке аlслыда. Агар джан дагъамни акьубайке къаттихьанаъас ыкканхьее, манке хылийда цlыцlахьени маалиджебышис гьазирра ихьес лазымра. Къийнийни йигъыл’, гьаlйифки, наркомания геед гелирукан бизнес водун. Сабаранбыше, хаlр-кlылинкъухъа ил’дяакы, джагварана загьаlр масса гьооле, хьуледса джегьилершин ыlмырбы зай гьаъа. Мана йыlкьна чlирвалла еймиш девхайнимее, гьуlкуматын, джамаъаlтын, гьар инсанын гьаракат ыккан. Садджу саджигее шаке мани джагварани рангал’ни йикl’бышее кlаарна кlуда гьавайсарни баляани ыlгътеенче хъавалес вахаlс.