Гьар сен, майни 19-чил’ йишди гьоIкуматыл’ пионераршин Йигъ алгъайгьи. Ман байрам шас едигарыс Совет гьо1куматыке аху. Ман йишин таарых водун. 2022 сен пионерашин Йигъ къурмишхьайн 100 сен быкырхьа
Совет гьоIкуматни девырни ушахаршикIле ман ташкилат лап югда ацIа водун. Джагварна халет’ (гурт) , чIаIрана галстук, «Всегда готов» значок пионераршини ташкилатын лышанбы ыхьа. Месала вобна : « Писин къидеджу, югунчина кьадир гьааъана дешки». Гыргынчина вукIул’ хъодкуйн тербие водун. Совет гьоIкуматын инсаныс тербие гьайни къайдайл’ гьуво: ЦIебба октябратабы вухьа, гойне манбы пионерыйвалеехъа кьабылявъу, манче комсомолеехъа. Комсомолеенче югун, гьаIракатыкван джегьилер коммунистыйвалеехъа кьабылявъу. Манбы са «зинджирын гьаIлкьабы ыхьа. Инсаныхъад менни йаIххъылхъа хъыхьесын имканбы ыхьа деш. Манчихъад югуныд , писиныд сурабы ыхьайнбы. Анджах хаIддананбы югунбы ыхьа. Ши йишди таарыхеенче югун алеетIас ыккан.
Совет гьоIкуматни девырни ушахаршикIле ман ташкилат лап югда ацIа водун. Джагварна халет’ (гурт) , чIаIрана галстук, «Всегда готов» значок пионераршини ташкилатын лышанбы ыхьа. Месала вобна : « Писин къидеджу, югунчина кьадир гьааъана дешки». Гыргынчина вукIул’ хъодкуйн тербие водун. Совет гьоIкуматын инсаныс тербие гьайни къайдайл’ гьуво: ЦIебба октябратабы вухьа, гойне манбы пионерыйвалеехъа кьабылявъу, манче комсомолеехъа. Комсомолеенче югун, гьаIракатыкван джегьилер коммунистыйвалеехъа кьабылявъу. Манбы са «зинджирын гьаIлкьабы ыхьа. Инсаныхъад менни йаIххъылхъа хъыхьесын имканбы ыхьа деш. Манчихъад югуныд , писиныд сурабы ыхьайнбы. Анджах хаIддананбы югунбы ыхьа. Ши йишди таарыхеенче югун алеетIас ыккан.
1922 –ъэсди майни 19-чил’ 2-ъэсын Быкырроссиейни комсомоларшин иджлас илгъечIу. Манчее мислягьаIт кьабылявъу : гыргынанкъаI пионераршин дестебы къурмишаъас. Манчиле хъийгъа ман ыхьайн Пионераршин йигъ. Манчина метлеб вухьана мактабын ушахар коммунизмеехъа гьазиравъуй. Совет гьоIкуматни девырее , гьар сен, майни 19-чил’ мактаббышее ушахар пионерыйвалеехъа кьабылявъу, «Ленинын дарсбы», конкурсбы, викторинабы ва медын йигъынджагъбы алгъайгьи ыхьа. Югун, гьаIракатыкван пионерар путевкабышиква истирагьат гьаъас лагербышеехъа оIтирний гьааъа. Пионераршихъад джон кIазет’ «Пионерская правда» ыхьа. Манче пионераршини гьаIкIеедын макьаалебыний гьели .
Совет гьоIкуматын пионерар сана-санкъука манченчений танышоохьи. Зы гьаIшдер мани кIазитеенче танышхьайни Новокузнецкгъанчени ичийка йишон гьаъана. АIрайле 37 сен адкIынейид, ши гьаIшдеб гьамбазар вобунбы. Зына хьинеенбы хаIбба вухьа.Эхьал’ни вахтал’ каникулбынани вахтал’ мактабни кIане, лагербышее ушахарше уджагъбы хъайгьи ыхьа. Манчини кIане маIълийбы гьекIва ыхьа, хабарбы гьаъа ыхьа. Пионераршин йигъ СССР–ыл’ мактабни шигыртаршин эн хаIдын байрам ыхьа.Совет гьоIкумат дагъылмышхайле хъийгъа, Пионераршин йигъ таарыхехъа адкIын. Амма манчихъа ил’дяаку. аIхреени себышее ман йигъ гьаIракатеехъа хъооIводун. Сенис КПРФ-ын ЧIаIрани майдама, В.И.Ленинни Мавзолейни кIане тантанайква мактабын ушахар пионерыйвалеехъа кьабыляаъа. МаIгьдын йигъынджагъбы Быкырни Россияйл’ илгъечIи. Гьел’бедти , цIаIхбышед ман аIдатбы гьувадженбы. Гьар сен Сувал’ни маIгьалыл’ни мактаббышее пионераршини йигъыс къассырыйн маджлисбы илгъечIи.
