Июнни 1-чил Дагъыстанна ХааIрна Сергей Меликов ишиква алаакьара республикайни Казбековни районе ыхьа.
ЦIерра мана регионни уфтанни джигабышди санчиква – Сулакни каньоныква танышхьа. Сергей Меликов таамаше гьааъани майдама ыхьа ва туризмайкен хаIдын имканбы агъмишау. ЦIерра мана регионни уфтанни джигабышди санчиква – Сулакни каньоныква танышхьа. Сергей Меликов таамаше гьааъани майдама ыхьа ва туризмайкен хаIдын имканбы агъмишау. Манкъуни джуваббышихъа гора, маIгьабна иш Гунибни районни Салтинни гурулдавысана вуккейс лазымба. Мааъад туристаршиниме къулайкван шарааитбы яратмишаъас ыккан.«Гыргыни имканбышике истифада гьаъас лазымда, манчини аIрее туризмайс ааидни гьуIкуматни программайка. Республикайныд аIхан кумаг гьаъасын», — Сергей Меликове агъмишау. Сулакын каньон – Дагъыстанэ энки хаIбба туристар абайлен объект водун. 2021 сен манчини уфтанийваликва танышивхьес республикехъа 200 аазырыле гьеххана турист ары. Ман Европайн энки кIоран каньон водун. Манчина хылийвалла 53 км ва кIораалла 1920 метру вобна. Гьар сен гьиняхъа аблес вукканни инсанаршин сай хаIдхъихьайхъа гора, Сулакни каньоныл’ тамаше гьааъан кьоIдъэсын майдам аляъас. Хъийгъа республикайна регьбер Казбековни районе туризмайни тезе объектни «Нохъо» куйил’ни ачылышее ыхьа. «Къийна ши уфтанни табиятни джигабышехъа гьамаIгьабджаб деш абы. ШакIле гьиджо кумагее лазымда ацIахьес ыккан. Гьиняхъа хаIбба туристар медни регионбышеенче абайли, дагъыстанлыбышис гьин джигабы геед кьабылехьи. ГьаIкIедад, Сулакын каньон хьиннен уфтанын джигабы дюнйейл’ геед сейракда ихьес», — Сергей Меликове увгьо. Дагъыстанни ХааIрынкъве Казбековни районени вахтал’ ушахар къорамишааъани йигъыс къадсырыйни маджлисее иштыракау. Манбы «Главрыба» экотуркомплексее илгъечIу. Маджлисехъа сабыйнбы Сергей Меликове байрамыква табрикавъу, манбышис угъурбы аIрзуламишау. «Ушахийвалла экIба илгъоочIена вахтобна, сабара сенбышиле хъийгъа шу телебабы вухьес, сабаранбыше Ватан къорамишааъас». Гойне хьинне Дагъыстанни ХааIрынкъве хьинее богъмышехьен ушах къаттихьанауйс мактабна шыгырт ПIатIимат Гарушевайс миннатдарийвалла агъмишааъан кагъыз гьуво.Апрельни 28-чил мактабеенче хаахъа хъооIнкъаI, ПIатIиматыкIле хьинее богъмышехьен ушах къаджы. Мана нишихъаджар ил’деекы, гадейни хъигьна хьинеехъа къоркIул. Гьаагуйни игитийвалис маIнкъыс «Горячее сердце» коксийххъа хъаъан лышан гьуво.Гьаманиджар йигъыл’ Дагъыстанна ХааIрна Сергей Меликов «Главрыба» экотуркомплексее туризмайни бизнесни ишкараршиква горушмышхьа.Къийнийни йигъыл’ туризм Дагъыстанни экономикайна энки гьаракатукана отрасль вобна. 2021 сен республикехъа милйоныле гьеххана турист ары. Сергей Меликов Дагъыстане мани сардан водни имканбышике йишонхьа. Манкъве джурайна гаф Дербентни гьаIкIее гьавъу.Хъийгъа туризмайни бизнесни эл’черше республикайни регьберылхъа суалбы гьуво. Манчин сабарабы ушахаршини туризмайс ааидынбы ыхьа. Дагъыстанни ХааIрынкъуни увгьойка, мана гееб вааджибна месала вобна. Манчини аллад, Къаякентни районе Ушахаршина марказ алявъуй фыкрее вобна. Ишкараршиквани горушее туризмайква багълыдани медни суалбышди гьаIкIеейиб гаф вукку.
