Цlаlхни дерайл’ юххьан инсанар имааджибышейхъа хъигъеебачlен аlдат водун. Манбыше малкъара ийкаран йаlхъбы, аттамаджбы, хьинен булахбы ва сабара медын хивыс лазымын ишбы къаджес хъигъеебачlи.

Гьайни йигъбыше Хьойикни джамаъаlтын хивни аlрайлин хаlдын имааджий  ыхьа. Манбышис кумагыс Магаьlчкъалайни шагьарее ешемишоохьен джаванарыб гьабкlын вухьа.  Манбыше кьоlдле йигъна малкъара оlришбышейхъа ийкаран джигъырбыйий видербы абрелхъа адчы. Хьебыдъэсди йигъыл’  ишлемишувхьес хъигъебчlыйнбыше хивейхъа хьян хъооlн шлангбы гьаlшеке темизяу.Гьайни йигъбыше Хьойикни джамаъаlтын хивни аlрайлин хаlдын имааджий  ыхьа. Манбышис кумагыс Магаьlчкъалайни шагьарее ешемишоохьен джаванарыб гьабкlын вухьа.  Манбыше кьоlдле йигъна малкъара оlришбышейхъа ийкаран джигъырбыйий видербы абрелхъа адчы. Хьебыдъэсди йигъыл’  ишлемишувхьес хъигъебчlыйнбыше хивейхъа хьян хъооlн шлангбы гьаlшеке темизяу.Мани карее хаlдын иштырак хивни фондни уlзвубыше гьау. Манчина хааlрна Навруз Наврузовни увгьойка, аlхырейни  сенбышее фондын хивни аlрайл’ хаlдда ишбы ыккы. Шацыйни сен хивын зияратбы, някьвбы сеткlейхъа сау. Манчихъа ил’дяакы, геледжагъыл’ назарее хаlдда гьаъасын ишбы аххъы водунбы. Манбыд кlылда-кlылда гьаъас чалышмишувхьесынбы. Хивни ешлибыше имаджейхъа хъигъебчlыйнбышис миннатдарийвалла агъмишавъу. Манбыше шагьарейнче  кумагыс абыйни джаванаршис югун дилегбы гьеххъы. Хивна имам Мустафа Бабаев джаванаршика саджиге имаджейхъа хъигъечlу. Манкъве хивынбышис, абыйни мигьманаршис гьавъуйн заlгьматбышис сикlы джуни сураке сагъвалла аlрзавъу.  Къийна фондын хивни аlрайл’ ахуйн ишбы гьаъасдимее кlылда кlылда пыл саъасди фыкрее водун.  Махъа садыйн пыл манбыше геледжагъыл’ лазымни хайирхагь ишбышис ишлемишаъас.