Гьайни йигъбышей республикайни малдарарше къышлагъбышейнче ейлагъбышейхъа малбышин коч гьаъа водон.

С

абара сенбы водонбы йишин сувабы давараршин сес айидхьу  ярашугъейхъа хъадыйн. 

Дагъыстанни хивни тасарруфатни министерствайни маIълуматыхъа гора, гьайни сен сувалхъа 1,5 милйонылхъа авадкьырийн мал кочааъас назарейхъа алятIу водон.  Манчини аIрей Рутулни районын тасарруфатбыд водонбы.

Районни хивни тасарруфатни управлениейна хааIрна Самидин Мацаевни увгьойква, гьайни сен сувалхъа 35 аазыр давар  ва 17 аазыр чавра кочааъас кьарарейхъа алябтIу вобна.

Манкъуни увгьойква сабара тасарруфатбышин малбы сувалхъа гьидхьыр водонбы. Манбы СПК «Ленина» ва СПК «Самур» донан тасарруфатбышин, ва фермераршин малбы водонбы.

«Йишин малбы Кочубейни, Бабаюртни, Къызларни ва Калмыкиейни  къышлагъбышее ыхьа. Кьыlдим дагъамда ыхьа деш. Гьуваджен малкъара иткидена юххьанийлхъа хъигъечlыйнбы. Йишда макьсад вобна ман малбы сагъда-саламатда сувалхъа гьихьарауй. АIхрейни санбышей ши чалышмиш воохьенбы къышлагъбышее саджаб давар гьидваджес, амма сабара тассаруфатбыше джон мал манче аканаа деш. Гьайни сен манбышилхъа тапширмышау водон мааъаб са давар гьимаваджеджин.  Няъас увгьое, мааъад сениле-сенилхъа торпагъ къумылхъа сивийкIалан процессбы гьеххахьа ыхьа ва оIрушбы кIыл’ хъыхьа аIлгьааI водонбы»,-  манкъве увгьо. 

Районын малбы ейлягъыс садджу йишди сувабышейхъа джад деш хъалес. ГьаIмаIхудын тасарруфатбы ва фермерар вобонбы, манбыше джон мал Ставрополхъа ва Чеченстанхъа хъыккий назарей алятIу.  Даварар ейлягъейхъа гьихьарассе, цIедда хъойшаранбы, гойнед манбы дарман кIявъу аIйхаранбы.

Совет гьуIкматни девырее даваршин коч чини къелил гьаъа ыхьа ва йишди пешекарарше са вузана йаIхъ аIл’гьаа вухьа. Мани вахтал’ малан коч гьаъан йаIхъбы рагьаIтда ыхьа, амма гьаIшде манбы хайбы, заправкIабы ва медын тикинтибы аляъу багъламишхьайнбы, манчихъа гора сувалхъа малбы КАМАЗ машинбышиква  гьаххъа.

СПК «Ленина» донани тасарруфатна хааIрна Исакь Балаевни увuьойкdа, гьар сен малбы ейлягъейхъа хъыкейrканбы ва манчин гыргын харджийбы джо оIдемишаа.

««Чайний» донани джигейнче Диндийни сувалхъа мал чини къелил айкIан. Йишди хиваршенче алгъаIнкъа шас джаIмаъатын кумагбы гьели. Масалан хьойкибышин адамейра гьихъа абы, Мишлешни хивыке алгъаъасмей кумаг гьелен. Ши манбышикIле сагьул эйгьи»,- И. Балаеве увгьо.

Ейлягъейхъа хъооIни чоба­наршикIле югна йаIхъ вухьенава, джон малбы сагъда-саламатда сувабышейхъа гьихьреджинва ши эйгьи.  ИншаАллагь, сувал’ горушмишувхьесынбы.