Гьаlдж къилмишавъуй гьар мусурманийлхъа гёохьена фарз вобна. Аlзизни джигабышилхъа ыlбаадат гьауй йишди гыргынкъуна мураад вобна.
Аlхырейни сенбышее пандемииейка багълыда инсанар гьаlджилхъа вуlххъаlс ваlвхы деш. Манбы Маккайни, Каабайни, Мадинайни зияратбы къаджесди мурадыл’ авху. Манчихъа гора, махъа вуlххъаlс гьаlзирувхьайнбышин сайид хаlдын ыхьа. Садджу Дагъыстанейнче махъа вуххъаlс ниятее хьод аазырылде агъаллана инсан ыхьа. Манбышике са аазыр инсаныс гьаlджилхъа вуххъаlс кумаг ишкар Сулейман Керимове гьау. Манбышди джаргее Къызларни районее ешемишоохьен йишди элен инсанарыб вухьайнбы. Манбы Аlгьмадов Эл’дар, Наврузов Сабир, Магьмудова Айнура, Ыlмаров Рамис вобунбы. Джуни хаарджийка гьабкlынийнбыб вухьайнбы. Манбышда сайир Балаев Магьаlммад ворна.Аlхырейни сенбышее пандемииейка багълыда инсанар гьаlджилхъа вуlххъаlс ваlвхы деш. Манбы Маккайни, Каабайни, Мадинайни зияратбы къаджесди мурадыл’ авху. Манчихъа гора, махъа вуlххъаlс гьаlзирувхьайнбышин сайид хаlдын ыхьа. Садджу Дагъыстанейнче махъа вуххъаlс ниятее хьод аазырылде агъаллана инсан ыхьа. Манбышике са аазыр инсаныс гьаlджилхъа вуххъаlс кумаг ишкар Сулейман Керимове гьау. Манбышди джаргее Къызларни районее ешемишоохьен йишди элен инсанарыб вухьайнбы. Манбы Аlгьмадов Эл’дар, Наврузов Сабир, Магьмудова Айнура, Ыlмаров Рамис вобунбы. Джуни хаарджийка гьабкlынийнбыб вухьайнбы. Манбышда сайир Балаев Магьаlммад ворна.Гьайни йигъбышее зы Эл’дарыка хъызаххына. Манкъуке гьаlдж къылмишааъанкъаl къаджейнчикейий къайихьыйнчике гаф гьааъас хаишау.- Махъа оlххъаlс аlхыйхъа гора зы геер шадра ворна. Ши Магьаlчкъалайни аэропортуле дюзиба Мадинайни шагьарейхъа аливху. Пыраалихъа ил’дяакы, маадын джигабы къаджимее, йикl шадехьи гидгъыл. Ши цlебба Мугьаммадни (аl.с.) нюкьнел’, манкъуни аlсгьабаршини Абу-Бакрни, Ыlмарни някьбышил’ зиярат гьау. Манбышди джаргее имамн Шамил’на някьуб къавджуна. Хъийгъа ши ихрамын палтарбы аляу, Маккайлхъа гьабкlын. Аллагьни кумагын йикlел’ саакитийвалла вухьа. Каабайни гьарамайл’ йихьни элес ивийкырыйнбы. Манчиле хъийгъа кьоlни раlкаъатна куб гьавъу. Кубыле хъийгъа зам-замни хьинеке дад гьау. Ман илёдгъыйле илёгъасый ыккан. Арафатни сувалхъа зы уlлджумани йигъыл’ гирхьу. Увгьойбышихъа гора, мани йигъыл Арафатни сувалхъа илхъечlуй 70 элеес гьаlдж къилмишавъуйка барабарба вобна. Мааъад зы югун дилегбы гьеххъы. Эхьал’ зы Муздалифни дерайлхъа гьаркlын. Мааъад са-кьоlбле саъаlтын тавсум алятlуйле хъийгъа, къаебы сау Минайни суралхъа йаlхъ авхъу. Мааъар зы хьебыдле йигъна ыхьа. Хьебни йигъыл’ зы Джамаратни суралхъа 49 къае авгьу. Манчика зы шейтlанар къагьавшу. Хъийгъыйни йигъбышил’ ши хаlдданани зияратбышил’ ийкыр. Мани саягъылин уфтанын джигабы къаджес зас кьисматхьайле зы разийра аху. Къаджейн уфтанийваллабы кал’мабышика хъелес мысадджад ихьес деш. Гьаlджиле хъабыйле хъийгъа, гыргынбыше мавлидбы гьау.Манбышисахъа баракайс хаlбба инсанар абы. Манбышис садакьа гьуво. Истолбышди ооъад дешин нуlматбы деший. Махъа абыйнбышди гыргынбышис Маккайле адыйни зам-замын хьян гьуво.
