ЦIаIхни хивеена йыIкьнекна манзик йишди миллетин йикI водун. Манчиххъа 1000 сенин таарых ыхьеейид, шакIле манчини гьаIкIеедын быкырын маIълумат, сирбы ацIа дешёдунбы.
ОIт’мишхьайни асырбышее мана мадраса хьинне (ЙыIкьнекни асырбышеедын университет) ишлемишивхьа. Хаариджий, йишди ааIлимаршди увгьойка манче Исламын дин Кавказылхъа еймишехьи гидгъыл. Мани мадрасайни гьаIкIеедын маIълумат Алагьвердийе китабе «Цахур наме» одкIун. Анджах ман китаб шалхъа гьидхьыр деш. Манчини гьаIкее шакле ааIлимаршини – Джейранашвили, А.Шихсаидовни, Гь. Ибрагьимовни ыIлим ишбышеенче ацIа. Къийнад манчин гьаIкIеедын быкырын одкIунийн таарыхн китаб дешин. Манчихъа гора, таарых окIанасын гьаваскарар хаIбба вобунбы. ЦIаIхеена манзик сираршина хазна вобна. Манчин тааарых чини диварбышеени къаебышил’ одкIун водун. Сен-сениле манчин чисаххъа, магнитын хьинне, таарыхчера, язычера, динэгьлер, журналистар,туристар сааъа. ОIт’мишхьайни асырбышее мана мадраса хьинне (ЙыIкьнекни асырбышеедын университет) ишлемишивхьа. Хаариджий, йишди ааIлимаршди увгьойка манче Исламын дин Кавказылхъа еймишехьи гидгъыл. Мани мадрасайни гьаIкIеедын маIълумат Алагьвердийе китабе «Цахур наме» одкIун. Анджах ман китаб шалхъа гьидхьыр деш. Манчини гьаIкее шакле ааIлимаршини – Джейранашвили, А.Шихсаидовни, Гь. Ибрагьимовни ыIлим ишбышеенче ацIа. Къийнад манчин гьаIкIеедын быкырын одкIунийн таарыхн китаб дешин. Манчихъа гора, таарых окIанасын гьаваскарар хаIбба вобунбы. ЦIаIхеена манзик сираршина хазна вобна. Манчин тааарых чини диварбышеени къаебышил’ одкIун водун. Сен-сениле манчин чисаххъа, магнитын хьинне, таарыхчера, язычера, динэгьлер, журналистар,туристар сааъа. Гьайни дёлесийвалее манзикни — мадрасайни гьаIкIеедын теле-верлиш цIыцIаъас РГВК журналистар гьабкIын. Манбы цIебба хивни администрациени хааIрункъука Вагиф АIлиевыква, ЦIаIхни дерайни имамыква Эл’дар ГьаIджийква, манзикни имамыква Джалалиддин ГьаIджийква горушмишивхьа. Манбыше абыйни мигьманаршис хивни, манзикни гьаIкIеедын маIълумат гьувы. Гойне мигьманар манзикни китабханайква танышивхьа. Журналистаршис хаIдын интервью манзикни гьаIкIеедын таарыхни маъаIллимее ГьаIджиев Закире СаIлигьни духее гьуво. Абыйни мигьманаршис манн гейд марахылыда хъады. Гьайни дёлесийвале ман теле-верлиш РГВКА-ни телеканалыле гьагуйн.
