2022-ъэсын сен таамхьес кIылбанана вахт авху. ЫIмрен са сеныд 21-ъэсди асырни таарихейхъа аIл’гьаасын. 2022-ъэсди сен ыхьайн хайирыкван ва дагъамын ишбы далыйл’ аху. ОIтмишхьайни сенийн шакIле гьагуйн, вуIххъана баляаа инсанаршике явашааъас даIвхуй. Февральни 24-чил’ Украинее гидгъылни спецоперациейн дюнйейн къурлыш бадалауйн. Дюнйе кьоIна хъыхьа. МислягьаIтеехъа хъавалес даIвху, ярах партамишехьи гидгъыл. 2022 сен дагъамын, угъад денан ыхьа. Украинее аIлгьааIни спецоперациейн хайбышеехъа писин уцIурбы ады. Вурушбыше джегьилер дюнйейни акьвале алебтIу. Манбышди игитийвал’ни гьаIкIеедын маIълумат ши «Нур» кIазете вахтале-вахталхъа гьувойн. ЫIмреедын югыний писин йигъбы са чIутеедын яцбыхьинне водунбы. 2022-ъэсын сен таамхьес кIылбанана вахт авху. ЫIмрен са сеныд 21-ъэсди асырни таарихейхъа аIл’гьаасын. 2022-ъэсди сен ыхьайн хайирыкван ва дагъамын ишбы далыйл’ аху. ОIтмишхьайни сенийн шакIле гьагуйн, вуIххъана баляаа инсанаршике явашааъас даIвхуй. Февральни 24-чил’ Украинее гидгъылни спецоперациейн дюнйейн къурлыш бадалауйн. Дюнйе кьоIна хъыхьа. МислягьаIтеехъа хъавалес даIвху, ярах партамишехьи гидгъыл. 2022 сен дагъамын, угъад денан ыхьа. Украинее аIлгьааIни спецоперациейн хайбышеехъа писин уцIурбы ады. Вурушбыше джегьилер дюнйейни акьвале алебтIу. Манбышди игитийвал’ни гьаIкIеедын маIълумат ши «Нур» кIазете вахтале-вахталхъа гьувойн. ЫIмреедын югыний писин йигъбы са чIутеедын яцбыхьинне водунбы.
Мысаджаб гьавъуйни ыIмрелхъа шикаят гьааъас вуккан деш. ЫIмыр джагваранайий кIаарна джидыр вобна. Гагь югда, гагь писда эйхье. Анджах умуд хайирыйвалилхъа авхъас вуккан, йикIбы темизда аххъас ыккан, джанана саламатыйвалла гьивааджес вуккан. ОIтмишхьайни сен гьауйн ишбы назарее аххъас ыккан. Писди, нягьаIкьни ишбышин оIги тезе сенийка къацIакIванас ыккан.
2022-ъэсын сен вурушбышикван, дагъамын кризиснан ыхьейид, мани сен югун ишбыд ыхьайнбы. ОIтмишехьени сен дюнйейлхъа хурун мигьманар абы. Манбышиква саджигее хайбишеехъа маIргьаматыкван иших ады. Нимеега цIаIхбышис ушахар хаIбба вухье, йишди миллетна кок утIумывхьесда. Шахъаб даватбы гьаъан джегьилер вухьа. Хизан инсанын даягъ водун. Хизаннани инсанни хааъад лампайн ишых эйхьи, аIхана гьаъани ушахаршин сес эйхьи. Мактаб таамауйн ушахар аали мактаббышеехъа иккебчIу. АцIаал’, билиг шадни ва болни ыIмрен ох водун. Эскерар джон бордж хъувы хизанбышеехъа хъабы.
2022 сен Сувал’ни маIгьалылид хайирыкван ишбы кIыл’да деш къадже. КIорани гоманийий Гыл’мецIни аIреена поштина йаIхъ гунайле ачмишавъу. Мани йаIххъылхъа цIаIхбыше хаIбна умыд гьааъа. Манчиле гъайре, йыIгъар аляу, хиваршини аIреедын йаIхъбы аIкьхъау, дагъмни джигабышее бендбы аляу.
Сувал’ни магьаIлыл’ни Гыл’мецIни йыIкьнекни мактабыс аIдатый ремонтбы гьаъы. Мактабын кIухнябы, маIгьаллабы абрелхъа адчу. Манчиле гъайре, мани мактабыс гьаIшдийни шараитбышикван сыныф гьувы. ЦIаIхее манзикни гьийдын майдам аIкьхъау, махъа гьаIйкал гтвхьу, маIгьаджарбы гиххьы, кьыIтIеер аляу. ГьоIкуматни программайква гьайни сен ЦIаIхни маданиятни марказна бинаа тезелемишавъу. ГьаIшде мани бинаал’ сельслветын идара, клуб, музей, пошт, китабхана, ЦIаIхни дерайни имамын утагъ ихьес. Хьойикни хивее манзик хъавъу, манчис йивана чардах уIвхы, мыраалий аляаъа вобна, Гыл’мецIни хивнийий Лекни хивни аIрее футболын майдам ачмишау.
Исламын дин маIгькам гьаъасдимее цIаIххни дерайни имамарше, кьома Эл’дар гьаIджийква хаIдда ишбы къадже. Фонд «Инсанын» лап дагъамни вахтал’, инсанаршис одхьанни караква , дарманбышиква кумаг гьувы. Гьел’бедти , ман ЦIаIхни дерайл’ни фондыни хаIрынкъун АIсадуллагь гьаIджийн гьаIракатбы ыхьа
Хивни тасарруфатни суралид гьайни сен бадалхьайбы ыхьайнбы. Хил’дже сенбышиле хъийгъа малылхъа, эзыйлхъа фыкыр гьооли гибгъыл. Гишодкунийн сувабы ярашугъеехъа хъады.
Гьайин 2022 сен цIаIхбышди адабиятни, ыIлимни , языйни меега болын ва баракатыкван ыхьа. ЦIаIхбышди шааираршди, язычершини, ааIлимаршини асарбышикван, макьалебышикван антологиябы ва адабиятын журналбы Пятигорск, МаскIав, Санкт-Петербург, Магьачкъале ва хаариджий оIлкабышил’ чапыке хъигъечIу. ЦIаIхбышди адабиятна хаIнее дюнйейни адабиятни джаргее гьайни сен парылдамигивхьа. Манчиле гъайре йишди шязычершин, шааираршин китаббы гьагвас АIрабстанылхъа, Китайлхъа ыккы ва мани китаббышди гьагвее иштыракаъас хъобтIул. Гьайни сен йишди къонши рутулбышди шааираршин китаббыд чапыке хъигъечIуйнбы ва манчин презентациебы Дагъыстанни миллетни китабханее ва медни майданбышее илгъечIу. Россиейни ва хаариджийни адабиятни гьаваскарарше асарбыщис ва публицистикайни макьалебышис ахтына кьиймат гьувы. Умуд вобна, 2023 сенике ЦIаIхбышди мактаббышис тезе едини мизекен ва адабиятыкен китаббы МаскIав чапаъа гигъалас. Манчини гьаIкIее Дагъыстанни хъаIдхъийни ва ыIлимни министерствайн джаваб гьувы водун, иляакасынбы манбыше ман аххъаххъае.
Умыд гьааъана,тезеда хъооIн 2023 сен цIаIхбышис баракайкван, болун раIгьатын ыхьес.
АIзизын цIаIхбы! Шу няаъаб вухьейиб, гьаммаше шохъад югун хаIмбы, югун йигъбы ихьенбы. Шохъад ненкеджад дагъамын, наIсын дехьен. Шолхъа, вушди хизанбышилхъа, вушди насылбышилхъа уцIур, гунагь хъидяйленбы.
2023-ъэсын сен шос мубаракда ихьен, вушди хайбышее, хиваршее шадлыгъбы ихьенбы, фыкрейдын хайирнан ишбы тезе сенийка быкырхьенбы!
