Урсиятыл’ (Россияйл’)  ва Азербайджан ешемишехьен миллет водун. Росссияйл’ манбы Дагъыстанни республике ешемишоохьи, Азербайджан — Закаталайни ва Къахни районбышее. ХХ- ъэсди асырни аIхрее ХХI-ъэсди асыр кьома гьам Дагъыстанее ешемишоохьен, гьам Азербайджан ешемишоохьен сабара цIаIхбышин джегьилер хъаIдхъас, ишлемишивхьес  Урсиятни шагьарбышеехъа абкIын. Манбышин хаIббананбы мааъаб авхуйнбы, хизанбы къурмишау. ЧIакIни шагьарбышее гьаIшде хаIдда йишди миллетбышин хизанбы водунбы. Яраб цIаIхийгъалий ешемишдехьена шагьар Урсиятыл’ вухье.

Манбышди баба-дидершина  кок гьувааджесдимее, цIебба миз’, хъийгъаб манбышикван алакьабы гьуваджес ыккан.  АIхреени сенбышее мани сардан гьаIракатбы динэгьлерше гьаъа. Сенис манбы  Рамандини вуза маджлисбы, мавлидбы гьаъас  Урсиятни шагьарбышеехъа гьавайкIан. Манбыше мааъаб ешемишоохьен йишин чоджар, йичибы саджигеехъа сааъа ва динни гьаIкIеена даIвъат гьооли. Манчиле гъайре манбыше миллетин таарых , миз еймишааъа.  Махъа аIсас ДР-ни муфтиятни мислягьаIтыква йишин имамар ва динэгьлер гьавайкIан.

Гьайни сенийна манбышда сафарий Саратовни шагьареенче гибгъыл. Мартыни 27-чил’ саъаIт  йигIынчил’ шагьарни са утагъее сивар ачмишауйле хъийгъа , маджлис гибгъыл. Дагъыстанеенче махъа динни гьаIкIеедын ваIъазбы хъаIдхъас , нашидбы гьекIвас  ЦIаIхни дерайна имам Эл’дар гьаIджийий нашидбы гьекIвана муаазин АIбдулла гьаIджий гьабкIын. 

Саратов ешемишоохьени гьар хиваршеенче абкIынни цIаIхбыше манбы югба къаршламишавъу.  Манбышихъа кIыры гяххъас ва маджлисее иштыракаъас инсанар хизанбышиква абы. Маджлисе югун доIъабы   хъаIдхъы, Эл’дар гьаIдже суалбышис джаваббы хъувы. ХаIмдийн кубар гьауйле хъийгъа . ниятбы гьаы ва едигарыс шикыл’бы цIыцIау.

Манбышди ниятее водун кьоIдъэсын ифтар мартыни 30-чил’ МаскIавни шагьарее ешемишоохьени цIаIхбышиква   алгъавгьуй.

Шаца гьаIмагьдын маджлисбы Екатеринбургни, Челябинскни, Ростовни, Волгоградни, Астарханни, МаIгьачкъалайни шагьарбышее илгъечIу.

Ин ша Аллагь, гьайни Рамандини вуза саджигеедын чIакIын маджлисбы, кубар, сивар гьахувый гыргыни цIаIхбышди хиваршее илгъечIесынбы. Манчике садджу хайир водун. Инсанаршин иман, дин , муIгьуббат, баракат маIгьадни маджлисбыше гьеххаъа!

Урсиятыл’ (Россияйл’)  ва Азербайджан ешемишехьен миллет водун. Росссияйл’ манбы Дагъыстанни республике ешемишоохьи, Азербайджан — Закаталайни ва Къахни районбышее. ХХ- ъэсди асырни аIхрее ХХI-ъэсди асыр кьома гьам Дагъыстанее ешемишоохьен, гьам Азербайджан ешемишоохьен сабара цIаIхбышин джегьилер хъаIдхъас, ишлемишивхьес  Урсиятни шагьарбышеехъа абкIын. Манбышин хаIббананбы мааъаб авхуйнбы, хизанбы къурмишау. ЧIакIни шагьарбышее гьаIшде хаIдда йишди миллетбышин хизанбы водунбы. Яраб цIаIхийгъалий ешемишдехьена шагьар Урсиятыл’ вухье.

Манбышди баба-дидершина  кок гьувааджесдимее, цIебба миз’, хъийгъаб манбышикван алакьабы гьуваджес ыккан.  АIхреени сенбышее мани сардан гьаIракатбы динэгьлерше гьаъа. Сенис манбы  Рамандини вуза маджлисбы, мавлидбы гьаъас  Урсиятни шагьарбышеехъа гьавайкIан. Манбыше мааъаб ешемишоохьен йишин чоджар, йичибы саджигеехъа сааъа ва динни гьаIкIеена даIвъат гьооли. Манчиле гъайре манбыше миллетин таарых , миз еймишааъа.  Махъа аIсас ДР-ни муфтиятни мислягьаIтыква йишин имамар ва динэгьлер гьавайкIан.

Гьайни сенийна манбышда сафарий Саратовни шагьареенче гибгъыл. Мартыни 27-чил’ саъаIт  йигIынчил’ шагьарни са утагъее сивар ачмишауйле хъийгъа , маджлис гибгъыл. Дагъыстанеенче махъа динни гьаIкIеедын ваIъазбы хъаIдхъас , нашидбы гьекIвас  ЦIаIхни дерайна имам Эл’дар гьаIджийий нашидбы гьекIвана муаазин АIбдулла гьаIджий гьабкIын. 

Саратов ешемишоохьени гьар хиваршеенче абкIынни цIаIхбыше манбы югба къаршламишавъу.  Манбышихъа кIыры гяххъас ва маджлисее иштыракаъас инсанар хизанбышиква абы. Маджлисе югун доIъабы   хъаIдхъы, Эл’дар гьаIдже суалбышис джаваббы хъувы. ХаIмдийн кубар гьауйле хъийгъа . ниятбы гьаы ва едигарыс шикыл’бы цIыцIау.

Манбышди ниятее водун кьоIдъэсын ифтар мартыни 30-чил’ МаскIавни шагьарее ешемишоохьени цIаIхбышиква   алгъавгьуй.

Шаца гьаIмагьдын маджлисбы Екатеринбургни, Челябинскни, Ростовни, Волгоградни, Астарханни, МаIгьачкъалайни шагьарбышее илгъечIу.

Ин ша Аллагь, гьайни Рамандини вуза саджигеедын чIакIын маджлисбы, кубар, сивар гьахувый гыргыни цIаIхбышди хиваршее илгъечIесынбы. Манчике садджу хайир водун. Инсанаршин иман, дин , муIгьуббат, баракат маIгьадни маджлисбыше гьеххаъа!