999-ъэсди сенийна августна ваз Дагъыстаныс гееб дагъамба хъабы. Манке республикеехъа ярахыква гявцIуйн душманар иккебчIы. Дестебышди кьома хаариджийле абыйн террористар илёбзур вухьа. Манбышди фыкрее Дагъыстан джони хылехъа хъаий ыхьа. Амма манбышди фыкреедынбы, йишди республикее ишекечмишхьа деш. ХааIрна-кIыл’на Ватан душманаршике къорамишааъас сугъооцу.
Къонши республикейнче Дагъыстанеехъа ярахыкван душманар абайлива шавааджад иням гьидяъайий. Къырагъыле абыйни душманарше джони азгъунийвалика кьоIни республикабышди аIрее ледж адчы. Дагъыстанни джамаъаIтыс манбишин «гьаIракат» кьабыл’хьа деш. Шагьарбышее, районбышее, хиваршее торпахбы душманаршике къорамиш гьаъасдиме джаванаршин дестебы сау ва манбышика вурушмишхьес гьаIзирхьа. Къонши республикейнче Дагъыстанеехъа ярахыкван душманар абайлива шавааджад иням гьидяъайий. Къырагъыле абыйни душманарше джони азгъунийвалика кьоIни республикабышди аIрее ледж адчы. Дагъыстанни джамаъаIтыс манбишин «гьаIракат» кьабыл’хьа деш. Шагьарбышее, районбышее, хиваршее торпахбы душманаршике къорамиш гьаъасдиме джаванаршин дестебы сау ва манбышика вурушмишхьес гьаIзирхьа. Душманар Дагъыстанылхъа гьуIджум гьааъас гьаIзироохьена хаIбба вахтний. Гьихъаджад манбыше джос лазымын силагь, одхьуний, аляуй сау ыхьа. Дагъыстанее манбыше ерры джамаъаIтын джон сура аххъахъава умудба вухьа. МанбышикIле ацIахьа дешки, Дагъыстанеехъа ярахыква арына манчике хъекIа ыхьай. СуIл’гьуква ешемишехьени хиваршее, районбышее вурушбы гидгъыл.Республикайни регьберарше Дагъыстанын Конституциейн къурлуш дагъылмишхьес гьассыр деш. Кумагыс Россиейн ярахыкан эскерар хъабы гьибхьыр. Душманарше таIъбы гьаийн хивар, аххъыйн торпахбы, йыIкьаIлхъа аляатIу. Ботлихын, Новолакын районбы манбышди хылеке азад гьау.Гьелбетде, ыхьайни гьаадисабышее ахтына кьиймат вахтал’ кумагыс гьибхьырни эскерар шис гьевлес вуккан. Манбыше хаIм-йигъ гьидяу, душманаршика вурушбы ыккы. Мааъаб гьабатIан, яраламишоохьен эскерарыб кIыл’ба деш вухьа. Дагъыстанни джамаъаIтни йикIбы-шее манбышин добы гьаммашийс аху.Манке ыхьайни гьаадисабышее Дагъыстанни милициейни ишчершед гьаIракатыкан иштырак гьау. Манбыше эскераршика саджигее душманарше аххъыйн хивар темизяъа гибгъыл. Манбышке гябатIанбыб вухьайнбы. Манбышда сайир ОМОНе ишлемишехьена мишлешелий МагьаIммад ыхьа. Манкъуни гьаIракатыс республикайн, джуни командирарше, гьамбазарше. МагьаIммаде Кьадарни зонайл’ ыхьайни вурушбышди санчее Ватанниме джан гьуво. АIреенче 20 сен вахтына абкIын. Амма манке инсанаршис хъетIуйн зарар, уцIур къийнад йишди йикIел’ водон. Тахсирдешин джа-маъаIт дердеехъа адчуйни душманарше джона пай алябтIына.
