Гьайни дёлесийвале Дербентни шагьарее Южполиграфсервис «Дженнет» донани чапханее йишди достын, шааирын, публицистын, переводчик Фазил Дашлайн тезе китаб «Два крыла» хъигъечIу. Гьайни дёлесийвале Дербентни шагьарее Южполиграфсервис «Дженнет» донани чапханее йишди достын, шааирын, публицистын, переводчик Фазил Дашлайн тезе китаб «Два крыла» хъигъечIу.
Ман манкъун ючIудъэсын китаб водун. Гьайни китабна граныйвалла гьамана вобна — махъа цIаIхбышдайий рутулбышда поэзия эвчIу. Мана чалышмышхьана йишди миллетбышда поэзия урусни адабиятни мизелхъа саакIалааъас ва маIгьаб медни миллетбышин инсанар йишди шааираршини асарбышиква танышааъас. Ман китаб гьазираъасдимеега Фазилыс хаIбба вахт ва къирагъыкен кумаг лазымхьа. Ф. Дашлай шечIбышда маIъанаа хъобкуба хъевлесдимее чини автораршиква тек-текна йишонхьа. РаIгьматыххъа абкIынийнбышин шечIбы урусни мизелхъа сакIалаъасдимеега, шааирни легьчейл’, ваяхуд джуни лугъадыл’ йишонаъани инсаныква ишлемишхьа. ЦIедда манкъвее построчный сакIалауйбы гьау. Гойне манкъвее маIъна гьувааджы урусни мизени адабиятни къайдайлхъа сакIалау. Мани ишее Ф. Дашлайс Гунайл’ни федерал университетни (Ростов-на-дону) ааIлиммее И.А. Шенинае кумагау. Ман манкъун ючIудъэсын китаб водун. Гьайни китабна граныйвалла гьамана вобна — махъа цIаIхбышдайий рутулбышда поэзия эвчIу. Мана чалышмышхьана йишди миллетбышда поэзия урусни адабиятни мизелхъа саакIалааъас ва маIгьаб медни миллетбышин инсанар йишди шааираршини асарбышиква танышааъас. Ман китаб гьазираъасдимеега Фазилыс хаIбба вахт ва къирагъыкен кумаг лазымхьа. Ф. Дашлай шечIбышда маIъанаа хъобкуба хъевлесдимее чини автораршиква тек-текна йишонхьа. РаIгьматыххъа абкIынийнбышин шечIбы урусни мизелхъа сакIалаъасдимеега, шааирни легьчейл’, ваяхуд джуни лугъадыл’ йишонаъани инсаныква ишлемишхьа. ЦIедда манкъвее построчный сакIалауйбы гьау. Гойне манкъвее маIъна гьувааджы урусни мизени адабиятни къайдайлхъа сакIалау. Мани ишее Ф. Дашлайс Гунайл’ни федерал университетни (Ростов-на-дону) ааIлиммее И.А. Шенинае кумагау. Китабна джавабдар редактор филоложи ыIлимбышда доктор М.О. Ибрагьимова ворна. Адабиятни танкьытчершини, гьаваскараршини, ааIлимаршини, шааираршини увгьойбышиква, ман гейд марахыкван ва адабиятын тIабалбы гьуваджыйн китаб вод. Шааираршин асарбы ва джони гьаIкIеедын маIълумат саъас, построчный сакIалыйбы гьаъас Ф. Дашлайс Р. А. Рамазанове, Кь.З. Омаханове, Ф.А. Агъасиеве гьау. ЦIаIхни адабиятни таарыхни гьаIкIеедын кIылин очерк урусни мизел’ ДГУ-ни филоложи факультетни дагъыстанни адабиятни кафедрайни хааIрни маъаIллимее Кь.З. Омаханове; рутулбышди адабиятни гьаIкIеедын кIылин таарых ДГУ-ни профессоре С.М. Магьмудоваейий ДНЦ ЯЛИ институтни хааIрни ылимни ишчее Фатима Ибрагьимоваегьуво.Китаб чапыке къайиккасдимеега, хаIбна заIгьмат Дербентни хусусы ташкилатни «Социально-педагогический институтни» ессее Агъабалаев Имамеддине Агъабалайни дихее гьавъу. Манкъуни раIгьымыквани фондын «Агъабала» китабыс спонсорыйвалла гьавъу.Имамеддин Агъабалайни дихыкIле, цIаIхбышди ва рутулбышди миллетни дойиле сагъул эйгьи.Китабеехъа «Два крыла» урысни мизелхъа сакIалауйн рутулбышди шааираршин: Фазил Дашлайин, Кюр-Раджабын, АIшукь Сакитын, ШаIфий Ибрагьимовын, ГьаIджи-Юсиф Меджидовын, Хазарчий Шиназын,Гюл’джагьан Рамазановайн,Хинады Къличханын, Аскер Хинадыйн, Уста Гьарунын шечIбы ва джон биографиебы гядкIу; ЦIаIхбышди шааираршин : АIбдураIгим Дадашевын, Кьурбан Омахановын, ВаIгьыд’ Мирзоевын, Валегь Гьамзаевын (Гьамзатын) АIбдураIгьман УIмаровын (УлуцIаIхийн) шечIбы ва биографиебы гядкIу. Гьел’бедти , мани китабеехъа гыргын йишин шааирар ва язычер гябкIу деш. Фазил Дашлайни фыкрее, йишди кумагыква , цIаIхбышди гыргыни шааираршин урусни мизелин китаб къайиккый водун. Манчинимега вахт ва спонсораршин кумаг ыккан. Инам гьаъас ыккан, Имамеддин Агъабалаев хьиннен игитер ва хыл’ ачухын игитер цIаIхбышихъабыб вухьесынбы. Ши йишда дост Фазил Дашлай тезе китабыква табрикаъа ва манкъун китаб «Два крыла» къайиккас кумаг гьауйни Имамеддин АгъабалаевыкIле чох сагъул эйгьи!
