Рутулын район гунайл’ни Дагъыстанни районбышин са район водун. МанчикIле джамаъаIтни аIрее кIылин Дагъыстанва эйгьи, няъас увгье Рутулни районе 6 миллет — рутулбы, цIаIхбы, лезгибы, лакбы, азербайджанлыбы, аварбы – ешемишоохьи. Асырбына ман джамаъаIтбы сана-санкъука муIгьуббатыква ешемишивхьа. Саса-санкъуни югынчиле шадувхьайнбы, писинчиле пашманувхьа.
Рутулбышди ыIлимни, маданиятни, адабиятни меега гьайин сен юбилейбышис болун ыхьа. Гьайни сен цIаIхна, рутулна, агъулна алфавит кириллицайл’ къурмишавъийн 30 сен быкырхьа. Рутулбышди аIшуIкьын НураIгьмад Рамазановын 130 сен ыхьа, 75 сенин юбилей шааире , композиторе ШаIфи Ибрагьимове алгъавгьу, ааIлим АIлисултан АIлисултанове гьазираъыйн гейд рутулбышин лугъат чапыке хъигъечIу. Рутулбышди ыIлимни, маданиятни, адабиятни меега гьайин сен юбилейбышис болун ыхьа. Гьайни сен цIаIхна, рутулна, агъулна алфавит кириллицайл’ къурмишавъийн 30 сен быкырхьа. Рутулбышди аIшуIкьын НураIгьмад Рамазановын 130 сен ыхьа, 75 сенин юбилей шааире , композиторе ШаIфи Ибрагьимове алгъавгьу, ааIлим АIлисултан АIлисултанове гьазираъыйн гейд рутулбышин лугъат чапыке хъигъечIу.
Гьайни дёлесийвале районни марказее хаIбна маданиятна, адабиятна маджлис илгъевчIу. Мана маджлис Рутулни районни маданиятни управлениейн къурмишавъу. Мана маджлисыбы дагъыстанни маданиятныйий мизяаршини йигъыква алакьа гьавъу. Маджлисеехъа районын къуллухчера, ааIлимар, шааирар, маданиятын ишчера, журналистар, маъаIллимар , мактабын шигыртар, юбиляраршин гоьар-гьамбазар сабы. Мани маджлисе цIедда НураIгьмад Рамазановын китаб «ЦIийлахъан» презентовать гьаъауКитабна автор раIгьматыххъа аркIын ыхьейир, мани йигъыл’ утагъеехъа джун гогьарбы, джуни поэзиейн гьаваскарар абы. Чапыс ман китаб ааIлим Мариза Ибрагьимовае гьазирау. Маджлисее Н. Рамазановни гьаIкIеедын чыхышбы абыйни мигьманарше гьаъы ва мактабни шигыртарше манкъун шечIбы хъаIдхъы. Манчиле хъийгъа ШаIфи Ибрагьимове сакIалауйни шечIбышин сборник презентовать гьау. Мана табрикаъан ва манкъуни творчествайни гьаIкIеедын чыхышбы рутулбышди «ЦIинды хабарбы» кIазетни редакторе Байрамбег МагьаIммадове , районни маданиятни управлениейни хааIрункъвее Даниял Айвазове, Рутулни 1№ мактабни директоре Ямуддин Таибове гьаъу. Ш. Ибрагьимове джуни шечIбышикван ва Н. Рамазановни шечIбышикван маIънийбы сазаква гьекIу. Гойне рутулбышди лугъатын аIхреедын вариант презентовать гьаъы. Ман лугъат хаIдда сенбына ааIлимарше АI.С. АIлисултIановейий Т.А. Сулеймановае гьаъуна заIгьмат вобна. Манчин рутулна миз’ гьуваджесын ва къорамышааъасын диб гиххьы. Лугъатни ва манчини вааджибыйвалини гьаIкIеедын чыхыш ДНЦ РАН – ни ааIлиме М.Т. Ибрагьимовае гьау.
Маджлисее иштырак гьаъас хаIбба инсанар хъобтIул вухьа. Анджах дюнйейил’ни вазиятыхъа гора хаIббананбы аблес ваIвхы деш. Юбилярар табрикааъан чыхышбы видеороликбышиква ыIлимни ишчее Фатима МаIгьаммадовае, шааире, язычее, журналисте Фазил Дашлае, шааире АIшура Кузиевае ва мебынбыше къахову. Мани маджлисее цIаIхбышике иштырак Россиейни шааираршини Союзни уIзвее АIбдураIгьим Дадашеве, цIаIхбышди теле-радиоверлишни редакторе Гул’нара Керимовае гьаъы. Шааир АI. Дадашеве урусни мизел’ одкIунийн джун шечIбы хъаIдхъы. Маджлисеехъа сабыйнбыше манкъус хааиш гьаъыйн джун шечIбы цIаIхни мизел’ хъаIдхъасМанчиле хъийгъа концертна программа вухьа. Мариза Ибрагьимовайни увгьойква, маIгьадни маджлисбыше миллетбышди мизяаршилхъан, адабиятылхъан, маданиятылхъан аIшкь ачмышаъа. Едини мизел’ одкIунийн китаббы миллетна вар-девлет вобна. Манбы таарыхна наххварий вобна.
