Темизийвалла гыргынкъве, гьаммаше ва гыргынанкъаI гьувааджес вуккан. Темизийвалла иманын сура водун. Темизийвалла гьааъа гьаар инсане джуле, хизанеенче, хивеенче гивгъалас вуккан. Аанче биче, къаанче куче деш гьаъас ыккан. Темизийвалла гьувааджий, табиятылхъа мугъаедхьай, йахъ — кьыIт’ абырыл’ аххъый, ушахийвалее инсанни бейнеехъа адчес ыккан. Гьел’бедти, вахтале — вахталхъа джамаъаIт саджигеехъа сады имааджийбы (субботникбы ) гьаъас лазымда водунбы, няъас увгьее сабара ишбы кумагыка гьаъас гехьа.
«Темизийвалла» джувабыхъад хаIдда маIънабы водунбы: цIеббыйна- йикIена, фыкрена; кьоIдъэсда — вуккекани ыIмрена , къеджени ишбышда; хьебыдъэсдаб – ешемишехьени джигайл’ гьувааджена. Къийна йишда гаф хьебыдъэсди «темизийвал’ни» гьаIкIена вуккан. Хавна либас джил’ни темизийвалике, хивна либас майдамни темизийвалике, шагьар либас кучебышди темизивалике ашкароохьи. Эн дагъамба темизийвалла шагьарее гьувааджес воохьи, агар мана гьувааджен ташкилатбы лазымни къайдайл’ ишлемиш дехьи ыхьее. Анджах манчиниб гыргына дагъамийвалла гьаIллаъас вааIхас деш. Месала вобна : « Темизийвалла хъадаххьвани джиге деш вобна, темизийвалла гьаIш гьидяаъани джиге воохьи ». Темизийвалла гьувааджесдимее инсанаршини вукIлеена «гьаIш» авкIанаъас вуккан. Гьаарна инсан джуле, джуни хизаныле темизийвалла гьааъа гигъалас ыккан. Ши тIубыка мерна гьагва, амма мысаджар вудж къеджи деш. «Темизийвалла» джувабыхъад хаIдда маIънабы водунбы: цIеббыйна- йикIена, фыкрена; кьоIдъэсда — вуккекани ыIмрена , къеджени ишбышда; хьебыдъэсдаб – ешемишехьени джигайл’ гьувааджена. Къийна йишда гаф хьебыдъэсди «темизийвал’ни» гьаIкIена вуккан. Хавна либас джил’ни темизийвалике, хивна либас майдамни темизийвалике, шагьар либас кучебышди темизивалике ашкароохьи. Эн дагъамба темизийвалла шагьарее гьувааджес воохьи, агар мана гьувааджен ташкилатбы лазымни къайдайл’ ишлемиш дехьи ыхьее. Анджах манчиниб гыргына дагъамийвалла гьаIллаъас вааIхас деш. Месала вобна : « Темизийвалла хъадаххьвани джиге деш вобна, темизийвалла гьаIш гьидяаъани джиге воохьи ». Темизийвалла гьувааджесдимее инсанаршини вукIлеена «гьаIш» авкIанаъас вуккан. Гьаарна инсан джуле, джуни хизаныле темизийвалла гьааъа гигъалас ыккан. Ши тIубыка мерна гьагва, амма мысаджар вудж къеджи деш. Совет гьоIкуматни девырее, сенее са элеес, 22-ъэсди апрельни йигъыл’ний (В.И.Ленин едике ыхьайни йигъыл’) имааджийний гьааъа. ГьаIшде манбы , аIдатеехъа гядкIуйнбы хьинне, вузас илгъечIи. Анджах гьаIшин къалабы, гот’бы шагьарни кучебышее, паркбышее, деръягьни къырагъыл кIыл’хъыхьа деш. Апрельни вузани кьоIдъэсди сурал’ Сувал’ни маIгьалыл’ни хиваршее — ЦIаIхее, Мишлеше, Джинее ва Бабаюртни районеени цIаIхбышди хиварше имааджийбы илгъечIу . Шас мана хабар Мишлешни администрациейни хааIрункъвее Рамазан Къубалыеве, ЦIаIхни администрациейни хааIрункъвее Вагиф АIлиеве гьуво. Манбышди увгьойка саъаIт 9-чил’ имааджийбышеехъа хивни администрациейн ишчера, мактаббышин маъаIллимар, ушахар, манзикбышин имамар, больницабышин дохтурар, ишчера ва медни ташкилатбышин къуллухчер хъигъебчIу. Гьаар ташкилатни ишчерше джос джураийн джига гьаIшике темизяу. ХаIбна имааджий Мишлешни хивее вухьа. Мани хивни администрациейн къуллухчер, депутатар, маданиятни хавын ишчер хивни джамаъаIтыква саджигее хъигъебчIу хивеени гот’бышил’на гьаIш гёохьанавъу, кучебы, майдамбы, йаIхъ-кьыIт’ абрелхъа адчу, хивни аIреенче аIлгьаани дамайн чейлягъбы гьаIшике темизявъу, някьвбышилхъа ( горханайлхъа) ал’гьааIна йаIхъ абрелхъа хъавалявъу, магьаIдджар хъаы. Малкъара ийкаран йаIхъбы, вейхбы абрелхъа хъаляу. Мактабни маъаIллимарше, ишчерше, ушахарше мактабын , спортын майдан гьаIшеке темизяу. Йиваршисч кирадж хъадгъу, джагвара хъаы. ЦIаIхни хивее имаджийс быкырда джамаъаIт хъигъечIу. Манбышди кьома хивна администратор Вагиф АIлиев, мактабна директор АIбдулгьаIмыд’ ГьаIджиев, цIаIхни дерайна имам Эл’дар Сулейманов вухьа. Хивни джамаъаIтын йаIхъ- кьыIт’бы, горханабы, зияратбы, веехбы, аттабы, гармабы, латбы кучебы темизяу, абырелхъа адчу. Мактабыд къирагъыл’ аху деш. Мани мактабни маъаIллимаршейий ушахарше абрелхъа мактабна магьаIлла, гихъийаллан джигабы хъаляу. Манбыше тезе ювар эзы. Манчиле гъайре мактабни ишчерше хивни имааджейид иштырак гьау.ДжинаIгъна хив абрелхъа абчес джамаъаIт, кьома администрациейни хааIрункъука ЫIбаIдуллагь ГьаIджиевыкайий мактабни директорука Нажмуддин ГьаIджиевыка хъигъебчIу. Манбыше йаIхъбы, аттабы, гармабы, вейхбы ва хивни аIреедын ташкилатбы абырелхъа хъаляу.Манбышди къел’-хылес ши кьуват аIрзуламишааъа
