Къийна дюнйейл’  гуджнаква пандемиейна чlиривалла еймишувхьа. Гьалакийс, манчиква багълыда вуккеккани ишин натийджабы гьели  гьели деш. Гьар йигъыс дюнйейл’ манчике хаlбба инсанар чlирихъааъа. Манбышди аlрайл’ гьабатlанбыб кlыл’ба дешобунбы. Къийна дюнйейл’  гуджнаква пандемиейна чlиривалла еймишувхьа. Гьалакийс, манчиква багълыда вуккеккани ишин натийджабы гьели  гьели деш. Гьар йигъыс дюнйейл’ манчике хаlбба инсанар чlирихъааъа. Манбышди аlрайл’ гьабатlанбыб кlыл’ба дешобунбы.

 Гьаlшде дюнйе манчини гичlиква ешемишехьи.  Магьаlбна дагъамна хастаалла гыргынанкьаl еймишувхьана. Дохтураршини увгьойка, мани вирусыке хаlбна къорху, иммунитет заlйифни инсанаршис вобна. Манбыше гьаммаше аlгьтият гьувааджес вуккан. Мани сардан Россиейлиб вазият рагьаlтба дешобна. Гьар йигъыс коронавирусыке начахоохьени инсанаршин сай  йигlни- молюни аазырыле агъалла водун. Гьелбетте, манчиква саджигее гьабатlанбышин сайид кlылда дешодун. Йигъыс 300 инсан манчике хъекlа. Гьаlйифки къийнад  сабаранбышис, коронавирус нагьаlбна дагъамна чlыривалла вухьай башта эхьи деш. Манбыше  манчин оlги явашаъасдимее, гьагуйн профилактика ишбы ыккекка деш. Къийна манчин оlги садджу  гьавъуйни вакцинайке явашаъас ахаlс.  Россиейл’ пандемиейка мубариза вуккейсдимее энки югна вакцина гьаlзиравъу.  Мани вакцинабышис  дюнйейни хаlдданани оlлкабышее ахтына кьиймат гьооли. Амма ши йишди оlлкее къеккан вейбар ыхаlс хъаlвайкьананбы.  Гьинчиле сабара вахтна гьихъа, Россиейни Президенте Владимир Путинее манчина цlеббыйна вейбаll ыlвхы. Гьайни йигъбышее манкъвее кьоlбъэсда вакцина гьавъу.  Манкьуни увгьойка, мана вакцина джуни джанан сибыкба кьабылявъу.Гьоlкуматын са сураке инсанаршис вакцина гьааъа, кьоlдъэсди сураке саймазыйвалла къоока.  Шакlле ацаlн, ман вирус  чlиринкьуке сагъламынкьус нафасыква илгъечlи.  Манчихъа ил’дяакы, къийна хаlдданан ресторанбы, шадлыгъбышин утагъбы, манзикбы гlалилхъамее гяцlы эйхьи. Ачухда увгьее, мааъад пандемие еймиш  девхьесдимее ыккеккан профилактикайн ишбы  дешод къеджи.  Гьокуlматын ши са сураке профилактикайнимее вакцина гьааъас хъоотlал,  кьоlдъэсди  суракед мана ейшмишувхьесын имканьбы гьели.  Гойне хьинне, хаlбба чlырвалла Россиейлхъа, медни оlлкабышейхъа истирагьат гьааъас гьабкlынни инсанарше абайли.  Манбы «кlитlобкlыл» саджигее гивийяр деш. Гьайни йигъбышее Дагъыстанни Хааlрынкъве Сергей Меликовее амрыква шадлыгъбышин утагъбы явашауйнбы. Манчиле гъайре, гьаlшде Россиейле къырагъылхъа гьабкlынийбыше, хъабымее анализбы хъелес.  Вирус дехьесдимее  гьаарункъвее аlгьтият гьааъас вуккан. Хаlбба инсанар сабыйни джигее делес хъидехьай, хылеббы вахтале-вахталхъа сапlыныква гьоодгъылый  — цlеддыйн профилактик ишбы манбы водунбы. Джанахъаб къыздырма вообхьее, гедж гьидяу дохтураршис хабар гьевлес вуккан. Мысаджад дохтураршике иджаза дена маалиджебы гьаъас ыккан деш. Коронавирус гьаlкlебаб дагъамна азар вобна. Манчика зарафат гьаъас ыккан деш. Шакlле ацlан, аlхырейни вахтал’ манчике нимее хаlбба инсанар гьабтlы вухьай.  Дора мани карее саймазыйвалла гьидяаъас.  Йишда сагъламийвалла гьувааджес чалышмишувхьес.  Гьоlкуlматын гьагвана вакцина чини вахтал’ гьааъас. Месала вобна: «Гьар инсан, джуна цlеррыйна дохтур ворна». Садджу маlгьад ши дагъамни пандемиейн  оlги  явашаъас ахаlс.