Аlхырейни сенбшее Дагъыстанын поштин йаlхъбы абрейхъа адчесдимее хаlбна иш вуккейка. Къийна мани сардан ыккыйн ишбы гыргынанкъаl растына хъайленбы. Тезеда адчыйни йаlхъбышин шагьарбышисий районбышис темизийвалла гьооли, машинбышиний инсанршин ивийкырий сибык хъаъа.
Мани сураке хиваршейид гьеххаликва ишбы къеджы водунбы. Гьайни делесийвалей мани саягъылин ишбы Бабаюртни районеени Рутул районни хиваршее гидгъыл. Камбулатни хивейнче гибгъыл Тезе Быршни хивейхъамеена йаlхъ тезелемишааъа. Мани сураке хиваршейид гьеххаликва ишбы къеджы водунбы. Гьайни делесийвалей мани саягъылин ишбы Бабаюртни районеени Рутул районни хиваршее гидгъыл. Камбулатни хивейнче гибгъыл Тезе Быршни хивейхъамеена йаlхъ тезелемишааъа. Хиваршини аlрайл’на йаlхъ гьинчиле хаlдда сенбына гьихъа алявъуна вобна. Аlхырейни сенбышее мана темизба дагъалмишувхьаний. Мана водни саягъыл’ гьуваджесдимее, хаlдда ишбы къаджы. Амма манчике кумаг ыхьа деш. Гёогъуйбы гёгъуйнкъаl, йаlххъыл’ ивийкырый дагъамний хъехьен. Манчихъа гора, мана йаlхъ тезелбанба аляаъасди мыслягьаlтейхъа хъабы.«Дагъыстанавтодор» ташкилатна хааlрна Ханмагьаlммад Раlгьимовни уввойка, мана иш республикайн йаlхъбы абрейхъа адаччени программайква аляаъа вобна. Йаlххъына хыллийвалла 2 800 метр водун. Иш ыккейсдимее хазнейнче 50 милйон манат пылын къайиккы водун. Мани йаlххъын Тезе Быршна хив Федерал йаlххъыка сабчес. Ишбы «Нарт» донани ташкилатын ыккека водунбы. Къийна манбы ишилхъа гибгъыл вобунбы. Ишбы гьагуйни графикыка аlл’гьаа. Гидгъылийн ишбы сентябрьни вуза таамхьесынбы. Йаlхъ аляъанбыше махъа гьеххалика техникайий материал хъады водун. Манбышее йиссейна йаlхъ темизба авакlанааъа вобна. Манчини джигайлхъа мебна къаейквана накьв кlяаъа. Гойне хьинне мана йыlкьни техникайква гьамавараас. Ишлемишоохьенбышди увгьойка, къийна джохъаб нишикенаджаб кеститйвалла дешда. Гибгъылна иш аlхырейхъамее быкыраъасдимее, гьеххаликва материал водун. Х. Раlгьимове сувал’ни хиваршее гьаъасди ишбишикеб шас гаф гьавъуна. Манкъуни джуваббышихъа гора, гьайни сен сувал’ни йаххъбышихъадыд хаlдда назарее аххъыйн ишбы водунбы. Рутулни, Кьалайни, Амсарни, Лучекни хиваршее машинбы ийкарни йаlххъылхъа асфальт кlяъас. Мана иш кьоlни сенее вуккейс. Манчиле савагьийда, 27-31-ъэсди километрбышена машинена йаlхъ къузайле къунайлхъа алгъаъасдимее, проект гьаlзирау водун. Гаlшде экспертиза гозетяаъа. Мана Гыл’мецlни хивни авубна, кьоlни йигъаlршини аlрайл’на машинена йаlхъ вобна. Гойне хьинне, сувал’ хаlбна иш Миххьейни хивейнче гибгъыл Цlаlхыйни хивейхъамее вукку. Мааъаб машинена йаlхъ аlкь хъааъа, подборкабы аляъа водунбы. Гыбгъылна иш гьайни делесвалей таамувхьесда. Манчиле хъийгъа, Чайныйнийни дерейнче гибгъыл гунайл’ни сурале аляъас назарее аххъыйни 27 километрейхъамее йаlхъ аlкь хъаъас. Гыл’мецlнийий Лекни хивее ешемишоохьени инсанаршини хаишиква Лекагъанни дамайл’ тезе йыlгъ алявъуй фыкрее водун. «Дагъавтодорни» ташклатыхъад геледжагъыл’ Рутул районее назарее аххъыйн ишбы гьеххаликва вод. Гыргыда фыкрее аххъыйн ишбы аlхырейхъамее гьихьараъасдимее, манбышис угъурбы аlрзаъа.
