УIлджумни этнайни йигъыл’ Дагъыстанни ХааIрынкъве Сергей Меликове наркотикбышис эксинани комиссиейн иджлас алгъавгьу.
Гыргынчиле гьихъа иш къацIабкIынинбышди аIрее наркоманиейни профилактикайкван тадбыррбы къаджейнчини суални аллана гаф вукку.Гыргынчиле гьихъа иш къацIабкIынинбышди аIрее наркоманиейни профилактикайкван тадбыррбы къаджейнчини суални аллана гаф вукку.Мани сардан Сергей Меликове увгьойн, республике манчиквана дагъамна вазиятобна.Хусусан, 9 гьаIкьни йаIххъылхъа хъааъани ташкилатбышее, гойне хьинне регионни силистни изоляторбышее 800 агъаллана наркотикбышиква багълыданан джинаятбы гьауйхъа гора гиурна инсанорна. Гьайни сенни хьони вузее ДР-ни ФСИН-ни къуллухчерше 520 грамм наркотибышин аххъы.Манчихъа ил’дяакы, регионни регьберни джуваббышихъа гора, мани сентыл’ сабара иш вуккекка вобна. Дагъыстанни УИС-ни системайни ташкилатбышее ичкийке ва наркотикбышике аслыбани инсанаршис къарши программа ишекечирмишавъу. Амма, гьавъуйни ишихъа ил’дяакы, статистикайн гьагванки, 2019 сен учётейни 1466 инсаныке 121 инсане мед текрарда джинаятбы гьау. Меликове къеджени тадбырбышин кейфият агъалла хъаъас лазымдава агъмишау.Мани сфереени вазиятни аллана быкырна хабар ДР-ни УФСИН-ни хааIрынкъве Андрей Полякове гьавъу. Манкъве наркотикбышиква багълыдани джинаятбышин статистика агъмишау: 2019 сен 1466 инсан аххъы; 2020 сен – 1358 инсан; 2021 сенни июнни 1-чилхъаме – 832 инсан.Хъийгъа летти джуваб ДР-ни заIгьматни ва ешайишни инкишафни министрыс Изумруд МуIгьутдиновайс гьуво. МаIнкъе наркоманиейкена профилактик иш вуккеккани ташкилатбышди гьаIкIеена хабаравъу. Министырни увгьойка, республике маIгьдын 16 ташкилатбы ишлемишехьи водунбы. Анджах манчин хайир ацIахьи дешод. Ёхламабыше гьагуйнки, реалибитациейн курсбы илгъечIуйнбышди 60% меб маалиджейс йыIкьалхъа сивийкIал. Манчина сабаб ацIааликван медишчер девхьайке вобна. И. МуIгъутдиновайн джуваббы ДР-ни сагъамыйвалла гозетяаъани министре Татьяна Беляеваейид тасдикьау.«Трезвая Россия» федерални проектни регьберни СултIан Гьамзаевни джуваббышихъа гора, йишди оIлкае маIгьдын 1400 марказбы водунбы. Манчини ишин къулайбы акародунбы. Сасса вахтал’ саIнаъаткараршди джигайл’ оIгийлин наркIоманар ишлемишоохьи.Иджласын екунбы ыккекканкъаI, регионни хааIрынкъве наркотикбышис эксинани комиссейна иш гьаракатейхъа абчий тапширмишау.
