Дагъыстанэй аIгьтиятни полкбышее къуллух гьааъасди контракт одкIунни эскераршис алааваба 200 аазыр манат пылна гьевлес.

ЙикIел’хъаляъанки, Россиейни Ярахни кьуввабышди таркибе СВО-ниме аIгьтиятын полкбы къурмишау водунбы. Мааъаб джони хайишиква СВО иштырак гьаийниме контракт одкIунийн эскерар гьазирааъас. ХаIбна фагьым атышни, тактикайни, инженерни гьазирийвал’бышис гьевлес.
ЙикIел’хъаляъанки, контракт одкIунни дагъыстанныбыше садибба 1 милйон манатыле гибгъыл пылна алябатIа: 500 000 аазыр – республикайке, 400 000 – федерални бюджетейнче ( 2024 сенни августни 1-чиле декабрьни 31-хъа меега контракт одкIунийнбышис), 300 аазырылхъа меега — муниципални бюджетейнче. Манчиле гъайре контракт одкIуныйнкъве вузас 210 аазыр манат алябатIа вобна.
Манчиле савагьийда медын алаава льготбыйий гарантиебы водунбы. Манчини аIрее – къуллух гьааъани вахталин ешайиш, кираныс хав аххъыйнкъаI манчин пыл йыIкьалхъа сакIалауй, кредитын ва налоговойн каникулбы, контрактникаршини ушахарше джан тавулхъа хъаляъийниме лагерьбышее кьаIрад истираIгьат гьауй ва медынбы.