Токlани ишхеке къийна инсанна ыlмыр, ешайиш аlслыда водун.
Рутул районни Сувал'ни магьаlл¬ылхъа токlан иших цlыцlауын 45- 50 сен эхьи. Гыргын кар мысахьее йиссе хъехьен. Мани сенбышди аlрее токlан истолбабы йиссе хъыхьа хъыlчейнбы, симмар хъодуйнбы, трансформаторбы йиссе хъыхьа. Сувал'ни магьалыл' аlсас гуджнакан гёгъыйбы, йизбы гёгъуйнкъаl, токlан ишихбы гьаlфтабына эйхьи деш. Манчина сабаб истолбабы гьыlгъадкырий, симмар хъодуй ваяххуд трансформаторбы гёдхьуний воохьи. Сенис хъаъанбы, анджах манчин такьатбы таамхьайнбы. Манчихъа гора, Сувал'ни магьаlл¬ыл’ токlан иших ыхьайниме вахтале-вахталхъа мани сардан лазымын ишбы хиваршди чIакIынбыше ва джамаъатын каджес ыккан.
Сабара хиварше кьыIдимна инсанар идявхейиб, къыIлина мани хиваршехъа ейлягъыс хилдже хизанбы хъадайленбы ва мааъад ишыгъбышда дагъамийвалла воохьи. Масалан, Аттални хиве трансформатор гёдхьун ыхьа ва мааъаб ишыхена дагъамийвалла вухьа. Джамаъатыс ыккыйкынийн маадын трансформатор бадалаъас ва ишыхена хат тезелемишааъас. Мани сардан манбыше Дагэнергойхъа ва сабара медни ташкилатбышехъа мураджият гьаъу.
Мани ишбышихъаб хъигьна Исакь Балаев, Надир Асланов къадабхьын ва манбышис ман ишбы угъадламышаъас Дагэнергойни ташкилатей ишлемишехьени йишди цIаIхийгъаIлее ГьаIзрат Гераеве кумгаъу.
ОIтмышхьайни уIлджуме районни ишыхбышди идаренче арына электрик трансформаторыхъа иляккы, манчин гёдхьунийн шнурбы ва медын карбы бадалаъу, хивын трансформатор хъауйн.
Исакь Балаевни увгьойква, сабара вахтни гьихъа Дагэнерго манбышин горцуш ыхьа ва мани ташкилатни хаIрынкъве хивеехъа аIлгьана ишыхена хатI тезелемишаъасва джуваб гьуво. Гьайни йыгъбышее махъа лазымын ишыхен диракбы симаара оIтмишаъу водунбы.
«МыкIа хъихьессе усулывхье, кьыIдимийс мана хатI тезелемишаъасда, - манкуъве увгьо.
Аттални джаIмаъатын, шавае хивеехъа ишых хъаляъас лазымын кумагбы гьуво ва гьишуйий манчини балее ахву, сагъулва эйгьиI.