Июнни 15-чил’, МагьачIкъалайни Красноармейскни поселокни «Спарта» донани стадионе цIаIхбышди футболни лигайни (ЦФЛ) чемпионатын хьебыдъэсди сезонын екунбы ыIхы.
ЦФЛ-ын чемпионат хьебыдле сен водун алгъайгьен ва мааъад гьайни зарбас 10 командайн иштыракаъу. ОIтмишхьайни кьоIни чемпионате ФК «Цахуры» донани командайн цIеббыйна джига авхъу, гьайни зарбас гыргынчиле югба ФК «Микик» гьувагу ва цIеббыйна джига авхъу, кьоIдъэсда дижга ФК «Хатайспор» ва хьебдъэсда джига ФК «ЦIахуры» донани командайс вухьа. МаIгьдын идманын ярышбы йишин джаванар са джигеехъа савъуйниме ва манбы сана-санкъука танышебхьайнимее алгъайгьи. Чемпионатын гьар тур алгъайгьенкъаI? стадионеtхъа 200-300 джаван сарайли ва футболыхъа иляfкка. КьоIд гьаманимtебынбы футболыхъа соцсетбышенче (Вконтавкты) джанлы эфирехъа илякка. Йишди цIаIхбышди футболни лигайн чемпионат республикайл’ текасейракда водон.
Гьар сен ЦФЛ-ын турнир алгъагьас хаIдын кумаг Имам Рамазанове, Мустафа Байрамове, Рамазан Шихамирове ва сабара командабышди уIзвыбыше гьели.
Информациейн кумаг «Нур» кIаIзетын гьаъа.
Ненджад идманын турнир спонсораршин кумаг дена алгъагьас эхьи деш. Гьайни зарбас гъамедхьайни командабышис(1,2,3 джига) ва югба гьуваагыйни оIйинчеершис гьелесди мукафатбышис пылыкван кумаг Имам Рамазанове, МагьаIч Сафарове, АIбдулнасир АIгьмадове, Ил’гар АIлиеве гьувова? чемпионатын екунбы ыIхыйханкъаI? Рамазан Шbхамирове увгьо. Манбышис Оргкомитетни суракке тешекурийвал’бышин кагъызбы гьуво. Оркомитетни суракке маIгьдын кагъызбы ФК «Гыл’мецI» донани командайни оIйинчис Исмаил ШаIъбановыс чемпионатын дизайн гьуйхъа гора ва йишди мизел’ маIънийбы гьаъани ГьаIджий Халиковыс чемпионатын гьимн одкIунва гьуво. Манчиле савагьийда, грамотабы гьар командайни хурни болельшикаршисыд гьуво. Манбы манчиле гееб шадеебхьа. Гьайни сенийни чемпионатна югна тренер ФК «Ихва» командайна тренер Халит Мамедов ыхьа, манкъус кубокий, грамота гьуво. Эн югна вратарь — МагьаIммад Юсубов (ФК «Хатайспор»), защитник — Ислам Сулейманов (ФК «Микик»), полузащитник МухаIммад Къурбанов («ЦIахуры»), оIйинчий – Рашид Кьасымов ( ФК «Микик») ва хаIдда топпар ыIхына (бомбардир) Насир Рамазанов (ФК «Ихва»). Манбышис пылын мукафатбы ва грамотабы гьуво.
Гойне 1,2,3 джига авхъуйни командабышис медалбы, грамотабы ва пылыкван мукафатбы гьуво. ЦIеббыйна джига авхуйни ФК «Микик» -100 аазыр манат, кьоIдъэсда джига ФК «Хатайспор»-70 аазыр манат, ва хьебыдъэсда джига ФК «Цахуры» — 50 аазыр манат.
Умуд гьааъана, хъооIни сен мани турнире иштыракаъан командабы хаIдда ихьес. МаIгьдын спортун маджлисбы алгъавгьуй геед югда водон йишди джаванаршдимее, няъас увгьее санансанкъукIле ваацIоохьи, гойнед манбыше вахт бейкараба авакIанааъа деш. АIхреени вахтал’ йишди джаванарше идманылхъа хаIбба фыкыр гьооли вобна. Гьасре маIгьдын спортун, маданиятын маджлисбы шахьад хаIдда ихьджин ва мааъад хаIдда йишди миллетни эл’чеерше иштыракаъас кьисматаъан! Аамин!
PS- Гьайни материалена шикыл’ «сагъна шикыл’» вобна. Мани шикыле видео материал водон. Вушди телефонехъа SilicaAR программа гивхьу(скачать) манчихъа иляккас вухьесынбы.
