Ноябрьни 20-чил’ Дагъыстанеенче  Палестинайни джамаъаIтыс самолетыква  30 тонн  гуманитар кумагын оIтирау.

ШакIле ацIан, ваз вобна быкыроохьи, Израил’нийий  Сектор Гъаза ешемишоохьени палестинцаршди аIрее даIвъий гибгъылыйн.  Мани даIвъийн аазырбышиква инсанар  кьоIниса сураке вукку. Джони аIрее хаIббананбы тахсир денан ушахар, едар, кьаIсинбы вухьа. Сектор Гъазайн ешемишоохьен инсанар хав-уджагъ дена, охьанасын кар дена, илёгъасын хьян дена, дарманбы дена авху вобунбы.  Къийна мааъаб гуманитар катастрофа ярамишивхьа вобна.

Дагъыстанни регьберар , республикайни муфтиятыква саджигее мислягьаIтеехъа хъабыйнбы  Палестинеехъа кумагыс садакьа оIтираъас.  Манчини гьаIкIеедын  маIълумат республикайни хааIрункъее Сергей Меликове гьувы. Манкъуни увгьойка , гыргын дагъыстанлыбыше Палестинее эхьени каран хаджалат цIыцIаъа водун. Йишин халкь садджу игит’джад деш, гьамыд   раIгьымыкван  джамаъаIт водун. Гьихъа ши маIгьдын кумагбы,  медыд гьелесынбы, — С. Меликове увгьу.