Йишди миллетыхъаб гьар вахтал’ гьуIнерыкван игитер вухьайнбы ва гьаIшдеб кIыл’ба деш вобонбы. Манбы чалышмышоохьенбы миллетын до ахтыхъаъас ва таарыхехъа адчес. Йишин, журналистаршин, бордж водон ман гьауйни гьуIнербышди, югни ишбышди ва миллетын до ахтыхъаъани ишбышди гьаIкIее одкIун ва манбы геледжагъбышис гьуваджий.

Гьайни йигъбышее йишди миллетна са игит ГьаIджиев МагьаIммад Сейфиддинна дих Кавказни сувабышди энки ахтыйни Эльбрусни сувалхъа джуни достаршиква илхъечIу ва мааъад сувани вукIлел’ цIаIхбышин байдах гихыI.
МагьаIммадна кок Рутул районни ДжинаIгъни хивейнче вобна, гьаIшде мана деккикайий едика Екатеринбургни шагьаре ешемишехьи. ХаIдда сенбына МагьаIммадна дидей Кьасым ГьаIджиев ДжинаIгьни хивыни Ленинни доюл’ни кIолхозна садры ыхьа. Мана гер гьуIрматнана, мигьманыс джан гийхьена цIаIхийгъаIлий ыхьа. Гьел’бетти маIгьуIрни дидейхъар игит нева эйхьи.
Къийнийни йигъылхъаме, мумкум вобна, Эльбрусни сувалхъа аазырбышиква инсан илхъечIу эйхьи. Махъа цIерра 1829-ъэсди сенни июльни 22-чил Килар Хаширов илхъечу. Мумкум вобна манбышди аIрее йишди миллетын эл’чераб вухьес, амма шакIле ацIана къийнийни йигъыл’ МагьаIммад ворна. Джус джанана сагъвалла ва къеджени ишбыше угъурбы арзуламишаъа ва джукIле МаншаАллагь эйгьи!