Дагъыстанэй москIавни «Динамо» футболни мактабын филиал ачмишхьа. Мани шадлыгъее Сергей Меликове иштыракау.
Тезе мактаб Каспийскейни «Анжи Арена» комплексни маIгьаллэй еррашмишхьа. Гьиняаъад таджрубайквани саIнаъаткараршини регьберийваликва 5 сениле 16 сенилхъа меегани ушахарше ва джегьилерше маIшкь ыккейс.
Регионни хаIрынкъве тезе футболни мактабейхъа хъабыйнбышис наIсигьатбы гьуво. Манкъуни джуваббышихъа гора, йишда аIсас мисала ушахаршини арайл’ гьини миджагни оIюнылхъан муIгьуб артмишаий вобна. Ши вушдиме гыргын шарааитбы яратмишаъас чалышмишивхьесынбы.
Манкъве йикIел’хъаляуйнки, аIхреени хьебни сенее 85 мини-футболын ва 5 чIакIын майданчебы аляу. Сенни аIхрелхъассе гьале 4 футболун майданчебы истифадейхъа хъелес.
«Динамо» футболни мактабни директоре Алиби Асанове джуни чыхышее къейд гьаийнки, мактабна макьсад кейфиятука хаIдни футболусын ушахар гьаIзиравъуй вобна.