Къийна хаIбба цIаIхни халкьни джегьилерше игитерше хьинне СВО иштыракаъа. Манбышда гьаарна са ахтыйни доюс лайикьра ворна. Гьайни йигъбышее муслагъалий Наврузов ГьаIджимагьаIммад Джелилна дих «Генерал-полковник М. Танкаевни» медалыс лайикьра къаджы.
ГьаIджимаIгьаммадыс медал республикайни ТОКС-ни хаIрынкъве, афганни гьаадисабышдииштыракчийе, хьебни элес «Красная Звезда» орденбышда кавалер НурасулмагьаIммадов МагьаIммаде, генерал-полковник М.Т. Танкаевни фондни хаIрынкъве ГьаIсангьыIсейн АIбдулджелилове гьуво.
Медал гьеленкъаI М.Т.Танкаевни фондни хаIрынкъве ГьаIсангьусейн АIбдуджелилове увгьойн: «Йишда кьаIгьрман Гь. Наврузов гьаIкIена Дагъыстанна, россиейна вантанпарвар ворна. Манкъве СВО гидгъылни цIеддыйни йигъыле мааъад иштыракаъа. Гь. Наврузове джуни гьамбазхаршиква саджигее йишди хаIнни оIлкайна садибыйвалла гьувааджес чалышмишехьи. Мана гьаммаше командираршиква саджигее гьийдни джаргабышее аIлгьааIни вурушбышее ыхьа. ХаIбба яраламишувхьайни эскераршис кумаг гьуво. Вурушбышди санчее ГьаIджимагьаIммад вудж яраламишхьана. Мана хаIбба вахтна госпитале ыхьа. Ши къийна мана сагъра-саламатра йишди яныл’ къаджыйхъа гора, шадба вобунбы.
Республикайни ТОКС-ни хаIрынкъве М. НурасулмагьаIммадове джуни ихтилете ГьаIджимаIгьаммадни игитийвалис ахтына кьиймат гьуво. Манкъве кьаIгьраманни деккисий едис маIгьарна джомард дих хаIрхъауйхъа гора миннатдарийвалла агъмишавъу. Манкъус экIра хъуваркы, джуни гьамбазаршисхъа сакIалас джанана сагъвалла аIрзау.
ГьаIджимагьаIммаде джуни сураке М.Танкаевни фондни хаIрынкъус Гь. АIбдуджелиловыс ва ТОКС-ни хаIрынкъус М. НурасулмагьаIммадовыс джуни гьунарыс фыкыр гьувойхъа гора, сагъулва увгьо.
ГьаIджимагьаIммад Наврузовни игитийвалике ши «Нур» кIазетни гьийдни нумрабышейидматериалбыгьувойнбы.ГьаIджимагьаIммад СВО джуни командираршиква Южный Сахалинскейнче хъары. Мааъад аIлгьааIни вурушбышее гьагуйни игитийвалис ГьаIджимагьаIммад Наврузов командираршини сураке хаIдданани орденбышисий медалбышис, таIрифни кагъызбышис лайикьра къаджы.
«Нур» кIазетни редакциейн тезе алятIуйни медалыква йишди халкьына игит ГьаIджимагьаIммад Наврузов табрикаъа. Манкъус экIра хъуваркасын дилягбы гьеххъа.
