Бабаева Шафига Рамазанна йиш цIаIхни миллетни хаIббананбышикIле ейцIа ворна. Мана ГТРК «Дагъыстан» ташкилатни рутулбышди мизел’ хъигъааIни радио-телеверлишбышдамухбир, цIаIхни мизел’ хъигъааIни «Лачын» ушахаршини журнална ишчий ворна.

Мана гьар йигъыс гьаIзираъани репортажбышее ва сюжетбышее Дагъыстанни миллетбышда уфтанийвалла, манбышин аIдатбы, таарых ва адабият гьагвас чалышмишейхьи. Манбы хаIдда миллетбынани Дагъыстанна садибийвалла гьувааджесдимее къеджен ишбы водунбы.
Ш.Бабаевае журналистни пешейс джена ыIмыр къабсырна 25 сен водун.МаIнкъыни ишис ГТРК «Дагъыстан» ташкилатни вукIлелинбыше гьаммаше югна кьиймат гьооли. Коллективни аIрайлиб мIанкъыхъаб ахтына дарадже вобна. Мана гьар вахтал’ гьамбазаршис кумаг гьелес гьаIзирра ейхьи.
Гьайни дёлесвалей Ш.Бабаева Россияйни Минцифрайни регьберни амрыква «Почётный радист» доюс лайикьра къайджы. Ман награда ГТРК «Дагъыстан» ташкилатни хаIрынкъее Луиза Алихановае хъуво.
«Нур» кIазетни редакциейн Бабаева Шафига Рамазанна йиш гьокуIматни ахтыйни наградайква табрикейъи. МаIнкъыс джанана сагъвалла ва геледжагъылид угъурбы аIрзаъа!