Рамандни вуза хаIдда хайирхагь ишбы къаджес ыккан. Мани вуза гьавъуйни югни ишбышике инсанарше хаIдын сувааб къазанмишаъасын имканбы къат-къатна хаIдхъехьи. Гьайни йигъбышее Сувал’ни маIгьалыл’ни Мишлешни хивее едаршин ифтар ыхьа.

Ифтар Мишлешни хивни йыIкьнекни мактабни маъаIллимарше Лачинов Элескерейий Ибрагьимов Рамазанее къурмишаъы. Мани карее манбышис кумаг хивни джамаъаIтын гьуво. Ифтар хивни манзике илгъечIу.
Мани йигъыл’ манзикехъа сиваар гихелес хаIбба хивын адейр, едар, ичеер, ушахар сабы. Манбыше, пIовар Къубалыев Джабраиле хъодхьурни дадаквани хорагбышиква сив къайиккыйле хъийгъа, суфра къурмишауйнбышис миннатдарийвалла агъмишавъу. Хивыни агъбирчакарше Мамедова Гул’шанейий АIгьмадова Гулябатун адее Мишлешни хивни джаванаршис, ифтар алгъаъас кумаг гьувойнбышис югун дилягбы гьеххъы. Манбышихъа чIаIкын алхышбы гьаъы.
Мактабна маъаIлим, хивна ватанпарвар Рамазан Ибрагьимовни увгьойка, едяршин ифтар гьайни сен хивей цIеддыйн ыхьа. Хъийгъыйн гыргыни Мишлешни хивын джамаъаIтын ифтар ыхьес. Къийна ши манчис гьаIзироохьенбы. Ман алгъаъасдимее пыл саъаа гибгъылыйнбы. Иншааллагь, гыргыда кар югда адкIыней гьайни вузани 15 — чил’ хивее хаIдын ифтар алгъаъас.
Мани саягъылидын ифтарбы цIаIхбышди менни хиваршейид къийна алгъайгьенбы. Махъа хаIбба инсанар савайли. Ифтар алгъауй геед югун аIдат водон. Манче нейинки инсанаршини аIрайл’ исламни динилхъан аIшкь гуджламишаъа, гьамыд йишди аIрайлна садибийвалла гуджламишаъа. Ифтарее бытIалауйнн садакьа Аллагье кьабыл’ гьаъан!
ан геед югун ифтарбышиква йишди миллет саджигейхъа саъас чалышмишоохьа. Манчика багълыда Исламни динилхъан водун аIшкь, мугьуIб