Октябрьни 1-чил’, Раби-ул’-Аввал’ни вуза Пейгъанбар ЫIсайни дойил’ни динни марказее Рутул района мавлид Ан-наби вухьа.
Мавлид йишди Пейгъанбар Муlгьаммадыс (с.аIл.с.) къабсыр ва мана вудж едике ыхьайни вуза Раби-ул’-Аввал’ алгъавгьу.
Мани маджлисее иштыракаъас МагьаIчкъаленче, Рутулни, Къызларни ва Бабаюртни районбsшенче, Россиейни сабара шагьарбышенче ааIлимар- динэгьлер абы вухьа. Манбышди аIрее йишди миллетын чубарайий йичибыб вухьайнбы. Мана маджлис Дагъыстанни муфтиятын, йишди районни динни управлениейн, фонд «Инсанын» алгъавъу. Мана маджлис алгъагьас пылыка кумаг шавухъабе имкан воб манбsше гьуво. Мани хаIбни мавлидеехъа аазырылхъа аваркьыл’на инсан ары ыхьа.
Мавлид ачмишааъанкъаI чыхышбы йишди миллетни нумаендебышед гьаъуйн. Районни депутатаршди иджласни садре Назим РаIгьыIмове районни хаIрынкъуни ва джуни суракке мавлидехъа абыйнбышикIле Аллагье кьабыляаъанава увгьо. ЦIаIхбышке маа сайир Сувал’ни магьаIлна имам Эл’дар-гьаIджи Сулейманов йишонхьа ва увгьойн: « Эн цlеббыйна ва аlсас фарз мусурманийлхъа бирмишавъуна — йигъыс хьобле куб вахтал’ гьавъуй вобна. Гьаммашийни дюнйейлхъа аркlынийнкъа цlеддыйн суал манчини гьаlкlеедын ихьес. Чубара, йичибы хъидоора шу иманылхъа. Аллагьни йаlххъылхъа савале. Шолхъа маджбырауйн фарзбы быкыреъэ».
Мавлиде Дагъыстанни муфтиятни ишчеерше чыхышбы гьаъу ва нашидбы хъаIдхыI. Маджлис-мавлидыс гьаlракат, батlраалла, маlргьамат, кьуват гьелес Дагъыстанни динэгьлершини управлениенче ааIлимар, медни манзикбышин имамар абы вухьа. Манбыше джони чыхышбышее МуIгьаммад Пейгъанбарни (с.аI.с) ыIмрени, джуни темизни напсни, маIргьаматни, караматбышди гьаIкIеедын ваIъазбы хъаIдхъы, хабарбы гьаы. Мавлидее аIл’гьаани вахтал’ пайбы гьувагау, манчини аIрее Маккайл’ни, Мадинеени зияратбышилхъа вуIххъасын ва кIыл’на гьаIдж къил’мишааъас вуIххъасын путёвкIабы ыхьа.
Маъад 9-ле гьаIджилхъана путевка гьувагы ва чина са цIахийгъалий ЫIмаров МагьаIммадыс кmисмат вухьа. Мавлид Ан-наби кьоIбле саъаIтна цIыцIавхьа ва махъа абыйнбышис одхьуний гьуво. Мана маджлис алгъагьасдимее кумагбы йишди цIаIхбышед гьувойнбы. Манбышин саlакьа Fллагье кmабыляъан ва кисайс барака гьевлена.
Заc гьаман эгьес ыккан, махуIдын хаIдын маджлисбы гьазираъанкъаI, гойнед манбы алгъагьанкъаI сабара дагъамийваллабы, саIгьвбы эйхьенбы ва мани карбышилхъа фыкыр гьевлес вуккан сайид мехьеджинва. Гьайни зарбас алгъавгьуйни мавлидехъа инсанаршилхъа оlгийле оlгийлхъа хабар гьувеейиб, амма джо оIгийлийни сенбышихъа илякканкъаI гьайни сен кIылба абы. Анджах хаlббанан джони къелил’ аблес вааlхасын йишин динын чубара, йичибы абы деший. Ацlа деш мана сабаб нишиква багълыба вухьай, анджах ман хаlдын саlгьв водун. МаlхуIбна маджлис кьаlсинбыше , миллетни гьуIрматуквани инсанарше ярашугъеехъа абаччи, амма мани йигъыл’ тека-сейракбайий йишин ешлибы абы.
Мавлид Рутулни районнахьинне илгъевчIу, амма махьа садджу рутулбыйи цIаIхбы абы вухьа, гойнед джуваб медни миллетбышди инсанаршис гьуво деш. МахуIднанкъа маджлисбы джурайда гьаъас ыккан цIаIхбышда джурайба, рутулбышда джурайба. Шавусджад мани каре хатир ахвас ыккан деш, няъас увгьее ман Аллагьни йаIххъехъа гьаъан кар водон. Гойнед йишди миллетын махуIдни маджлисбышее югда иштырак гьаъас ыккан. ХъобтIулый гоозет гьаъас ыккан деш. Гьар каре ши гьаммаше санаб — саджигее вухьес вуккан. Аллагье гыргынкъус сабыр, иман ,баракат гьеленбы! Аамин!
