Дагъыстанни журналистарше « Рамазан ва сагъламыйвалла» акциейс гьаракатука хыл’авхъас. Манчина макьсад профилактика ва халкьыс шакар чIырвалла еймишивхьайни проблемайни гьIкIее хабар гьувой вобна.
Мана иш февральни 5-чил гивгъалас ва республикайни гыргыни муниципалитетбышее вуккейсда. Мана тадбыр Дагъыстанни Муфтиятын биомехатроникайни институтыка саджигэй ва республикайни сагъламыйвалла гозетяаъани минстерствайка ишекечирмишааъас.
Институтни регьбере МаIгьаммад МаIгьаммадове къейд гьаийнки, акциейн фыкыр гьевлесда аIсас проблема халкьыхъаб шакар чIырваллайни гьаIкIее еттыгъна хабар девхьай вобна. Рамандини вуза мани хастаалайкени чIырынбышис сивааджес кьадагъа гивийхьи. Манкъуни увгьойка, къийнийни йигъыл’ республике 45 аазыр шакар чIырваликван инсанар ешемишоохье вобунбы.
Акцие аIлгъаани вахтал’ манчини ишилхъа быкырни республике медицинайн марказбы къошмишхьес, манзикбышее медишчершин дежурствабы тешкиляъас. Манбыше сивааджийнбышис джанани сагъваликва багълыданан мыIслягьатбы гьелес.
Манчиле гъайре техникайкен кумаг ихьес. Республикайни медпунктбышейхъа шакарыс назарат гьаъан ваIшбышиква глюкометрбы, тест-поокабы ва медын дезгагьбы хъелес.
ДР-ни маIълуматни ва чапни Агентствайни регьберни Арсен Юсуповни джуваббышихъа гора, мани ишее дагъыстанни журналистарше вааджибна джига авхъас. Манбыше акциейни гидгъылыйни ва хъийгъийни ишни гьаIкIее хабар гьевлес. Манчиле гъайре маIълуматын материалбы чапаъас. Манчее динын аIгьадбы пызмышдяу, наIгьадий джан гьуваджес ыхьай башта гьаъас.
«Акцие эълан гьаийни Россиейни халкьбышди садибыйваллайни Сенийни чечнайл’ илгъевчIес. ШакIле ацIанки, дюнйейни гыргыни динбышее сивааджен вахтбы водунбы. Манчина аIсас макьсад рыIгь темизяий вобна», — Юсупове къейдау.