Гьайни делесийвалей МагьаIммад ГьыIсейновни дойийл’ни ДжинаIгъни йыIкьнекни мактабни директорулхъа Нажмудин ГьаIджиевылхъа Ахтыни сергьадбы къорамишаъани къуллухни хаIрынкъукен полковник А. Бондаренкойкен миннатдарийвалла агъмишааъан кагъыз хъады.

ЦIаIхни дерайл’ сергьадбы къорамишаъан дестебы ишлемишехьи гидгъылыйн хаIдда сенбы водонбы. Манбыше йишди хаIдни оIлкайна – Россиейна къоншу Азербайджан Республикайкана сергьадна саламатийвалла гьувааджи. Эскерарше хаIм -йигъна сувабышил’ къуллух вуккекка.
Гьал гьазырее сергьадбы къорамишаъани эскераршихъад ЦIаIхни дерайл’ни хиваршее ешемишоохьени инсанаршиква гейд югун алакьабы водонбы. Манбыше гьар вахтал’ сана-санкъус кумаг гьелес чалышмишоохьи. Достийваликва ешемишувхьес гьаIракатаъа.
Сергьадбы къорамишаъани дестебышди хаIрынкъве А. Бондаренкое мактабни директорыс, коллективыс джока водун алакьабы гуджламишауйхъа гора таъIрыфни кагъызее югун дилягбы гьеххъы. Манчиле гъайре, манкъве мактабын къийнийни йигъыл’ вуккеккани ишис ахтына кьиймат гьуво. Геледжагъыл’ джо гьааъана иш сыкыIлбаб гуджламишаъасдава манкъве агъмишау.
ДжинаIгъни хивни йыIкьнекни мактабна директор Н. ГьаIджиев, мактабын маъаIллимар вуккеккани ишис сикIы, хаIдда джурабаджура таIърыфбышис лайикьавъу. Ахтыни сергьадбы къорамишаъани дестейни хаIрынкъуни доюле гьин цIеддыйн алятIуйн таIърыфын кагъыз водон.