Дагъыстанни хаIрынкъве Сергей Меликове СВО вурушмишоохьени эскераршис кумаг гьувойхъа гора, республикайни мактабни чIакIынбышис, маъаIллимаршис ва мактаббышее хъаIдаххъани ушахаршини деккяршисий едяршис миннатдарийвалла агъмишавъу.

Республикайни регьберни увгьойка, СВО гидгъылыйле хъийгъа садджу МаIгьачкъалайни мактаббышди шыгыртарше декяршиквайий едяршиква саджигэ 90 тоныле агъаллан гуманитарын кумаг къахову.
«Эскерарше дагъыстанни ушахарше къаховуйн пайбы аляатIани видеойхъа иляккы. Ватан къорамишааъани игитерше джо кIелихан гьидявъуйхъа гора, манбыше йикIейнчен хошин джуваббы увгьо. Садджу фыкыр гьевле: СВО гидгъылыйле хъийгъа пайтахтни мактаббышди шыгыртарше ва манбышди чIакIынбыше ючIаIл’ тоныле агъаллан гуманитарын кумаг къахову.
ЙикIена ачухийвалла,мерункъуна фыкыр цIыцIааъас ваIвхий ва гьаммаше кумагаъас гьазирра ыхьай — ман аIдатбы дагъыстанни хизанбышее архайле архайлхъа илгъечIи водунбы.
Къирагъыл’нанкъаI гъу гыргынкъус ыккан ворнава ва хааъар гозятаъа ворнава ацIахьай вааджибда водун. АIзизын ушахар, сагъул вушди ачухни йикI’бышис!
ХаIдын сагъул мактаббышди маъаIллимаршис, чIакIынбышис ва ушахаршини деккяршисий едяршис! Гьин кумаг садджу йишди эскераршис хыл’авхъуйниме джад деш,ман кумаг югун ушахар чIакIы хъавъуйниме вааджибда ыхьай манбышис баштада водун»,- джуни телеграм-канале Сергей Меликове одкIун.