Китаб – ацIаалин алшан водун. Йишди пейгъанбар МуIгьаммад (аIл.с.) увгьуйн: «АцIаал’бы алеетIасдимее  Китайлхъар оIххъас ихьесда» . АцIааликва, билигыква , тербиейква авадкьырийн кар дешин.  Манчиква, не чIакIын добы, не къуллухбы, не пылбы, не вар-девлетбы  барабархьес деш.Китаб – ацIаалин алшан водун. Йишди пейгъанбар МуIгьаммад (аIл.с.) увгьуйн: «АцIаал’бы алеетIасдимее  Китайлхъар оIххъас ихьесда» . АцIааликва, билигыква , тербиейква авадкьырийн кар дешин.  Манчиква, не чIакIын добы, не къуллухбы, не пылбы, не вар-девлетбы  барабархьес деш.

 

Ши шадоохьенбы йишди шааир Гьамзатни гьаIракатбышиле.  Дагъыстанни китаббы къеккани чапханее манкъун тезе китаб «Аазырий са хаIм» хъигъечIу. Гьайин хьодъэсын манкъун хусусы китаб водун ва ман шениса китаббышике сужетыкед, композициейкед джурахьен. Китаб  « Аазырий са хаIм»  Валегь Гьамзатее  одкIунни рубаибышике саы.  Махъа 1001 рубаи эвчIу. Манимееган рубаибы  одкIунна закIле дюнйейл’ шааир ацIа деш.Рубаибы поэзиейн са жанр водун. Манбы аIсас Машрыкьни шааирарше  одкIун ва ойкIан.  Са  рубаи 4 джаргайке къурмишоохьи ва манчихъад таамхьайн сюжет эхьи, йаIъни мани джаргабышее кIорана маIъна дюгыливхьа вобна.

Рубаибы хъаIдаххъанкъаI , югба фыкыр гьевлес вуккан. Ман дагъамни поэзиейни джурайс гьыIсабехьи. Йишди увгьойка, мани стилил’ ойкIанна шааир Дагъыстанее дешда. Шааирын баджарагъ дюнйейлхъа еймишаъасдимее  манкъун рубаибы чIакIни мизаршилхъа  сакIалаъан инсанар вуккан.  Анджах манчини бале авхъуйн инсанар шахъаб дешинбы. Йишди инсанаршини фыкрее медын карбы айхан.

Китабеедын рубаибы шааире  ёкьни дестейлхъа водунбы боIлмишаы : 

НякI дешин хаIмбы

Гыргынбы къалябкIы, хаIм вухьа сура,

Са захъа някI дешин, не деш чис чара.

Гъу дена деш аIхаI улепбы гядхас,

ГъунанкъаIб йизда хаIм — даманшен сура.

Июттун някIнан хаIмбы

Югни чахырыке джан дехьи хараб,

КIеъэ аIрабирда джанеехъа шараб.

Гьасре цIаее гёдхьун джан итIумхьеджын,

Хъоха цIайее югда гюдётхьунийн къаб.

Кеф дешин хаIмбы

ЧIийе, не хатааке къитдидийхьан хаIв,

Гьаарын чини дердее, гьамна дерд чис чIаIв.

Гьаарна джухъа гешще, са джуна гьааъа,

Гьамзатее дюнйейна дерд воб цIыцIааъа.

МаIгь одхьанан хаIмбы

Са йыгъна илдябтIее хылехъа кьалам,

Ман йыгъ зы ыIмыIреехъа йизди идеччу.

Нен йыгъый ыIмыIреехъа йизди идеечIу,

Гьамани йыгъбыше зы гьивадже джаван.

Ман дестебыд инсанни ыIмрека, ешеква, гьаIракатыква, фыкреква багълыда водунбы.Инам гьаъан, ненкъвеейий ман  китаб хъаIдхъее хаIдданани суалбышисын джаваб мааъад авайкесын.

Ман китаб чапыке къайиккас редактор Х. Назировае, художнике М. Муталлибоове, художественный редакторе М. Левченко, технический редакторе В. ГьаIджиевае кумаг гьаы.

Валегь Гьамзатни джанас сагъвалла гьевлена, цIаIхни мизел’ медын адабиятын китаббы окIанасда!