Къийнийни йигъыл’ заманайс сикlы ешемишхьайнимее инсаныхъад хаlдын гьунар ихьес ыккан. Мана гьар йигъыс растына хъайлен мисалабы аlрейнче алятlасдимее хаlррна къадахьванас гехьа. Фыкрее авхъуна иш дурустни йаlххъылхъа абчес хаlбба вахт авакlанас гёохьа. Къийнийни йигъыл’ заманайс сикlы ешемишхьайнимее инсаныхъад хаlдын гьунар ихьес ыккан. Мана гьар йигъыс растына хъайлен мисалабы аlрейнче алятlасдимее хаlррна къадахьванас гехьа. Фыкрее авхъуна иш дурустни йаlххъылхъа абчес хаlбба вахт авакlанас гёохьа.
Бабаюртни зонэйни Калел’ни бинайл’ ешемишехьена Улуханов Мухтар Шаlъбанна дих махъа кочмишхьайн ёкьцlалиле агъаллан сенбы водунбы. Мани сенбышее Мухтар джурабаджура ишбышил’ ишлемишхьа. Аlхырейни сенбышее мана нениджар ишил’ дешда. Ишлемишдехьена сабабыб хизанни дагъмни вазиятыква багълыба.
Ичий едике ДЦП-ни чlырываллайка йихьа. Шаца манкъуна ёлдашыр чlры хъайъы. Гьаlшде Мухтар чоджий манбышилхъа илякка. Шакlле ацlан, чlырынбышис хидмат гьавъуй сибыкна иш дешобна. Манчихъа ил’дяакы, мана йикl дена хъехьи деш. Чалышмишехьена манбышис джуке аlхан кумаг гьелес. Маныд манкъуке гьар вахтал’ эйхьи деш. Няъас увгьое, манбышис гьагуйни саягъылин кумаг гьелесдимее сабара дагъамийвал’бышика растына хъайли.
М. Улуханове джуни вазиятна хабар «Нур» кlазетни редакцией гьавъу. Манкъуни увгьойка, чlырынбы Бабаюртни больницайн кьабыляаъа деш. Мааъани дохтурарше ши Рутул районни больницейхъа оlтирааъа. Гойне хьинне, манбыше ши шенче учотейнче хъигъебчlы, джони учотейхъа гябкlас теклиф гьаъа. Мана са дагъамийвалла. Къоlбъэсда дагъамийвалла, Магьаlчкъалайни шагьарейни маркази больнице джигабы дехьай вобна. Ёлдаш больницейхъа гийхьенкъаl, гьар элес дагъамийваллабышика растына хъайли. Мухтар чоджийни увгьойка, больницайн гьагуйни вахтал’ абеейиб, джига воохьи деш. Джига девхьайхъа гора, мееб йыlкьаlлхъа сивийкlал. Дарманбышди гыранийваликеб манкъве шас хабар гьавъу. Манкъуни джуваббышихъа гора, гьар вуза вуджее хьод-йихьыд аазыр манат дарманбышис ишлемишааъа. Ишлемиш дехьени инсаныс маныд хаlдын харджий водун.
Хъийгъалетти, йишди мигьманее хивее растына хъайлени сабара дагъамийвал’бышди гьаlкlейир йишонхьа. Манкъуни увгьойка, къийна Бабаюрт ешемишхьай инсанаршис дагъам хъыхьа. Манбышихъад еттигъын илёгъасыный эзуйни дирингбышис гьелесын хьян дешин. Манчихъа гора, вудже джуни магьаlллей джурайба артеизан гьибкlыр. Манче хъигъечlуйн хьяныд илёгъас караъадайли деш. Илёгъан хьян хивни йыlкьнекни артизанейче цlыlцау водун. Мани карее манкъус кумаг Рутул районни хааlрынкъве И. Ибрагьимове гьуво.
Мухтар Улуханове кьыlдмина гёдхьанни янаджагъыкена вазиятыб йишонавъу. Манкъве са тон гlадырын 19 аазырыс илещива увгьо. Хивее газ девхьайхъа гора, гьар сен янаджагъыс чlакlын пылбы ишлемишаъава редакциейни мигьмане зигаара гьавъу.
Зы Мухтар чоджийни гафылхъа диххъатука кlыры гяххъыйле хъийгъа, манкъухс мыслаlгьатбы къаджы. Мани карее мана разийра аху.
Маlгьдын дагъамийваллабы садджу М.Улухановысджад деш, Бабаюртни бинабышил’ ешемишоохьени хаlббанани инсанаршихъад водунбы. Манбы гьаlкlени йаlххъылхъа адчесдимее, инсанар хаlбба агъалла-даахъа къадаахьван. Сабарнбышис манбы аlхырейхъамее быкыраъас кьисматехьен. Шахъад умуд вобна, Мухтар чоджийсыд йишди мыслягьаlтбышике хайир хъетlасын.
