Гьайни йигъбышее цIаIхни халкьына доюквана дих полковник ГьаIджиев Таджидин ГьаIджийна дих МаскIавни шагьарее ахтыйни наградайс лайикъра къаджы. Манкъус Россиейни офицераршини ташкилатын шарафыкванагьуво.

Грамота Россиейни офицераршини ташкилатни хааIрынкъве Россиейни кьаIгьраман генерал-майоре С.А. Липовое, Советни Союзни кьаIгьраман , полковник В.И. Горовое гьуво.
Т. ГьаIджиев хаIдда сенбына Республика Дагъыстанни МВД джурабаджура кьуллухбышил’ ишлемишхьа. АIхырейдни сенбышее манкъуна иш инсанаршис кумаг гьувойква багълыба вухьа. Манкъве МВД-ни Дагъыстанее ишлемишехьени госпиталис хаIбвалла гьавъу.
Къийна Т.ГьаIджиев пенсиейхъа хъигъечIейир, иш дена гийъар деш. Мана Россиейни офицераршини ташкилатна Дагъыстанейна эл’чий ворна. Манчиква саджигее манкъве СВО воохьени эскераршис кумагаъа.
СВО гидгъылыйле хъийгъа, Т. ГьаIджиеве мааъаб къуллухааъани эскераршис хаIдын кумаг гьуво. Манкъве экIда-экIда СВО воохьени эскераршиква алаакьабы аххъаххъа.
Йишди редакциейн Т. ГьаIджиев алябтIуйни шарафни грамотайква табрикаъа. Манкъус вуджее вуккеккани ишил’ угъурбы аIрзаъа.