Октябрьни 21-чил’ йишди республике Дагъыстанни маданиятыний едини мизяаршин Йигъ алгъавгьу. Мани йигъыл’ аали мактаббышее, китабханабышее ва маданиятни ташкилатбышее джурабаджур майдамбышее маджлисбы, конференциебы, семинарбы алгъавгьу. Гьел’бедти, цIаIхбышди ушахарше хъаIдаххъани мактаббышейид ман байрам чини къайдайл’ илгъечIу.
23-ъэсди октябрьни йигъыл’ Бабаюртни районеени Теземуслагъни йыIкьнекни мактабее мани байрамыс къадсырыйн чIакIни сыныфбышди шигыртаршини аIрее конкурс: « Югна едини мизекена ацIаалий» (« Лучший знаток родного языка) илгъечIу. Мани конкурсысын пIлан мактабни едини мизен ва адабиятын дарсбы гьелени маъаIлиммае Чеменгул’ Бабаевае къурмишаъы ва мана маджлисыб йиджеее вукку.23-ъэсди октябрьни йигъыл’ Бабаюртни районеени Теземуслагъни йыIкьнекни мактабее мани байрамыс къадсырыйн чIакIни сыныфбышди шигыртаршини аIрее конкурс: « Югна едини мизекена ацIаалий» (« Лучший знаток родного языка) илгъечIу. Мани конкурсысын пIлан мактабни едини мизен ва адабиятын дарсбы гьелени маъаIлиммае Чеменгул’ Бабаевае къурмишаъы ва мана маджлисыб йиджеее вукку.
Чеменгул’ маъаIллимае ушахаршин едини мизелхъан, адабиятылхъан, маданиятылхъан, фольклорылхъан, таарыхылхъан гьавас, гьаIракат, ацIаал’ ёхламишаъасдимее конкурс хьони номинациейлхъа джурау:1номинацие – хабар « Йизда аIзизна Ватан»;2 номинацие — « Йишди миллетын фольклор;3 номинацие – « ШечIбы цIаIхни мизел’ друстда хъаIдхъий»;4 номинацие — « Урусни мизеле цIаIхни мизелхъа текстбы сакIалауй»;5 номинацие- « Уфтанна хылеква цIыIцавъуна шикыл’.Ман конкурс алгъагьасдимее ушахар кьоIни дестейлхъа джуравъу, йаIъни номинациебышее гьавъуна иш дестейква гьаагу.1 номинациее са дестейн Муслагъни хивни гьаIкIеена хабар обкIун, шениса дестейн Мишлешни хивни гьаIкIеена хабар обкIун.2 номинациее дестебышди аIрее маIънийбышин, меххваршин, тапмаджебышин баIстбы ыхьа. 3 номинацие алгъанкъаI дестейни шигыртарше друстда цIаIхбышди шааираршин шечIбы хъаIдхъы.4 номинациейс ушахарше шааир А.С.Пушкинын мехвабышин парчебы урусни мизеле цIаIхни мизелхъа сакIалаъы. 5 номинациейс гьар дестейн са хылека обкIунна шикыл’ гьазиравъу.Ман конкурсыс ушахар гьазирааъасдимее Чеменгул’ маъаIллимайс хаIдын кумаг мактабни вожатее Эмирджанова Солмаз маъаIллимае гьаъы. Ушахара мани конкурсее серасыба ишлемишебхьа.Конкурсее гьаIракатыкван иштырак гьайни ушахарше гьаъы:Ибрагьимова Дженнете, Наврузова Майраме, Баширов Башире, Османова Милане, Асланова Фатиме , Баширова Гул’мире, Ибрагьамхалилов Мусе, АIгьмадова Карине ва мебынбыше.
Ушахаршини ацIаал’бышис ва гьаIракатбышис кьиймат жюрйн гьувы. Мани жюреехъа мактабын маъаIллимар — Бабаева Уля, Кьасумов Давуд , МагьаIррамов Тажудин, Кьурбанова Рагьиля гябкIу.Жюрийни гьар уIзвее дестейни гьар номинациейс джуна балл гьувы. Хъийгъа гыргынкъун баллбы саджигеехъа саъы , екунбы алгъавгьу. Шигыртаршини кьоIни сана дестейн барабарын баллбы быкырни конкурсыке алеетIы. КьоIни сана дестейс 1 джига гьувы. ДжитIада , достыйвалла гъамувхьа.Ши, «Нур» кIазетни редакциейн маIгьдын едини мизеква, адабиятыква, фольклорыква, маданиятыква таарыхыква багълыданан конкурс алгъавгьуни Чеменгул’ маъаIллимайс, жюрее вухьайни мактабни маъаIъаллимаршис, ушахаршис ахтына кьиймат гьооли вагеледжагъылид угъурбы аIрзуламишаъа.
