Деккяршин джуваб водун: «Игит’ хъекIа, амма джун до ахва». АIхрейни сенбышее шахъаб маIгьбын игитер хаIбба вобунбы ва манбышин добы йишди йикIбышее гьаммашийс ахвасынбы.

СВО гидгъылыйн хьодъэсын сен аIл’гьаа водун. Мааъаб хаIбба йишин джаванар гьабтIу ва батмишувхьа. Манбышда сайир оIтмишхьайни сенни майни вуза СВО душманни гуллейке хъикIуна, Мурадов Аслан Сулейманна дих ворна.
Манкъуна кок Рутул районни ХыIягъни хивеенче вобна, амма едике вудж Къызларни районе ыхьа.
Аслане джуни хааишиква контракт одкIун эскерийвалла гьааъас Украинехъа аркIын. Мааъар джушманыква мубариза вукекка вухьа. Манкъвее «Южный Уралец» донани штурмовой баталёне къуллухааъа вухьа. Игитхьинне душманыква вурушмишехьена Аслан манбышди гуллейке гьини дюнйейле аркIын.
Гьайни вузани 27-чил’ Челябинскни шагьарни Михайловский районни администрациее Россиейни Президентни Владимир Путини указыхъа асасан Аслан Мурадовыс гьувойн орден Мужества (хъикIуйле хъийгъа) джуни хунащейсахъа Анжела Мурадовайсхъа хъуво.
Ман орден хъеленкъаI, Михайловский районни военный комиссаре увгьойн: «Аслан Мурадов ва вуджхьиннен гыргын йишин кьаIгьраманар мысаджаб йикIеенче аIлгьаас деш, няъас увгьее манбыше йишди гьоIкуматни меега джанбы гьуво. Къийна зы Асланын орден, джуни хьунащейсахъа хъели ва ман Асланыке джуни ушахаршис ва невабышис ахуйн едигар водун. Манбы чIакIы хъебхьайнкъаI, джони деккиле ва дидейле гуянмишивхьес».
Асланын хьебыдле ушах аху: кьоIйре дих Марат ва Тимур, сайир йиш Аэлита. Манбышис джус гьидевуна ыIмыр Аллагье гьевлена ва джон джан сагъда ихьен!.
Къийнийни йигъыл’ Асланна хизан Челябинскни шагьаре ешемишоохьи вобна. Манбышди къайгве садджу джона ед’ Анжела джар деш, йишин гьоIкуматыд ахва водун. Манбышис гьоIкумматни суракке гехьан гыргын лазымын кумагбы гьели водунбы.
Умуд гьааъана, даIвъий таамувхьа йишин гыргын эскерар сагъба саламатба хайбышеехъа хъавалесынбы ва абыкIынийнбы аваакесынбы. Аамин!