Эйгьи вод, оlлкайна гудж, манчин гьихъа адкlыний югни санаъаlткараршике аlсылыда. Манбышин сай нимее хаlдда ыхьей, гьаманмегад гьокуlмат экlда гьихъа ал’гьааlс.

 Аlхырейни сенбышее югун ацlаал’ алятlас, баджарухукван санаъаlткар вухьес вуккананбышин сай хаlд хъыхьа. Манбышди джаргее йихъбышин джаванарыб растына хъавайленбы. Манбышда сайир Дагъыстанни девлетни медицинайни университетна телеба Мамедова Махтум Халитна йиш ворна.Махтум 2002-ъэсди сен Бабаюртни бинабышил’ни Калел’ни хивее едике йихьа. Маlнкъее цlеддийн ацlаал’бы  Магьаlчкъалайни Семендерни дагъайдни сынфбышди мактабее алятlу. Хъийгъа  маlнкъее хаlдда мактаббы бадалау: 5-6-ъэсын сыныфбы шагьарни 27-ъэсди гимназиее, 7-10-ъэсын сыныфбы 56№ мактабее, 11-ъэсын сыныфыд 28-ъэсди гимназее быкырау. Махтумее шаца къизлени медалыква йыlкьнекин мактаб быкырау.Гьамани джад сен маlнкъее санаъаlтбы аали мактабейхъа хъуво, Дагъыстанни девлетни медицинайни университетни стоматологиейни факультетейхъа иккейчlу. Гьаlшде  маlнкъее силибышди дохтурын санаъаlт аляатlа водун. Махтумын до йидж хъаlдаххъани факультете югни телебабышди джаргее водун. Махтумни увгьойка,  джен дохтурни санаъаlтылхъан аlшкь кlыл’валике хъооlн водун. Чlырынбышис кумаг гьувой, ман­бышис маалидже ыккый йизда мурад вухьа. Къийна мана чалышмишейхьена югда хъаlдхъас, геледжагъыл’  мани ишина гьаlкlена санаъаlткар йихьес. Маlнкъыни фыкрее ушахаршда дохтур йихьай водун. Махтумыке медуниверситете хъаlдхъаlс дагъамдаева, хъидгlын гьауйннкъаl, увгьойн: «Захъаб хъаlдхъыйкана мысаджаб дагъамийвалла вухьа деш. Зы гьаммаше хъаlдхъыйс хаlбна фыкыр  гьуво. Къийнар манчис гьаlзирра ворна. Гойне хьинне, зы мебынбы хьинне акьаlна дешда. Йизын аlзызин инсанар гыргыба йизди кlане вобунбы. Закlле манбы гьар вахтал’ къоодженбы. Манчед йизын хъаlдхъыйлхъан гьавас сыкlылдад хаlдхъаъа. Къийна захъаб, авхуйни телебабышихъаб хьинне, са дагъамийвалла вобна. Пандемиейхъа гора, аали мактабышее хъаlдхъый дистанционныда хъыхьа. Маlгьдын хъаlдхъый зас кьабылехьи деш.  Умудааъана, мана азар экlба аlрейнче аlл’гьааlсда. Хъаlдхъыйбы гьийдни саягъылхъа сакlалас.Махтуме хъаlдхъыйле савагьийда, маданиятыл­хъаныд хаlдын гьавас гьагва. Мана мактабее хъаlдаххъанкъаl джурабаджурайни фестивалбышда, тама­шебышда, концертбышда иштыракчий йихьа. Гьар вахтал’ югун джигабы аххъы.   Фырсант гидхьуйхъа гора, Махтумее гыргын телебабы джони  байрамыква, джен гьамбазар, йихъбышин аали мактабышее хъаlбаххъан джаванар табрикавъу. Маlкъее гыргынбышис джанан сагъвалла, хъаlдхъее угъурбы аlрзау. Дагъамийвал’бышихъа ил’дяакы югун санаъаlткарар вухьес кьисматау. Гойне хьинне увьойн: «Гьаммаше гьихъа макьсад гивхьее ва кыл’ба-кыл’ба манчилхъа гьивхьарас чалышмишувхье. Манке гыргын югда ихьес. Югун ацlаал’нан санаъаlткараршихъаб гьаммаше кьиймат вухьана. Манбы мысаджаб ишдена аахвас деш». Зынад Махтумни ихтилетыс кьувва гьоолена.  Маlнкъыка саджигее гыргын йихъбышин телебабы джони байрамыква табрикааъанбы.