Майни вузани  17-чил’ Магьаlчкъалайни шагьарее «Россия — йизын таарых» донани паркысана Донбассни джамаъаlтын,  мааъад спецоперация ыккеккани эскераршин тераф аххъаххъан «Россиейлхъан инам – залхъан инам» акция-концерт  илгъечlу.

 Манчис къадсырни йигъынджагъее кьоlдаазы­рылхъа авабкьырни инсанарше иштыракау. Манбышди аlрайл’ ешлибышика саджигее  джаванрыб вухьайнбы. Манбы 1999-ъэсди сен Дагъыстан душманаршике гьуваджес хъигъебчlыйн ополенцар, мактаббышин шигыртар, аали мактаббышин телебабы ва мебынбы вухьа. Мани йигъыл’ майдамейхъа сабыйнбы шикыл’бышика,  аква-грим,  автоматын хъобтул-сауйка делесвалейнче танышувхьа. Манчиле гъайре акциейни иштыракчерше хаlдын Россиейн байдах ачухау. Манчис къадсырни йигъынджагъее кьоlдаазы­рылхъа авабкьырни инсанарше иштыракау. Манбышди аlрайл’ ешлибышика саджигее  джаванрыб вухьайнбы. Манбы 1999-ъэсди сен Дагъыстан душманаршике гьуваджес хъигъебчlыйн ополенцар, мактаббышин шигыртар, аали мактаббышин телебабы ва мебынбы вухьа. Мани йигъыл’ майдамейхъа сабыйнбы шикыл’бышика,  аква-грим,  автоматын хъобтул-сауйка делесвалейнче танышувхьа. Манчиле гъайре акциейни иштыракчерше хаlдын Россиейн байдах ачухау. 

Акциейхъа сабыйнбышди гьийд Дагъыстанни  ветеранаршини,  ташкилатни садре Магьаlрам Аlлиджанове, Республикайни едаршина союзна садры Интизар Мамутаевае , «Факел» донани дестейна хааlрна Салихат Аlлиевае ва мебынбыше чыхышбы гьау.

И. Мамутаевае джен чыхыш  дагъыстанни язычийна Фазу Аlлиевайни кал’мабышика гидгъыл. Маlнкъе увгьойн: «Наяъа авгьуна гулле эскерни едни йикlес хъоотlа. Ман кал’мабы къийнад ишлемишехьенбы.Едяршикlле югда ацlа даlвъыйн гьелен уцlурбы югда ацlа водунбы. Манчихъа гора, къийна ши мани вурушбышее духе авкlанавъуйни едаршика санаб вобунбы. Манчиле савагьийда гьаlшде республикайни едаршини союзын  «Едикен посылкlа» донан акция алгъагьа водун. Мани ишил’ Дагъыстанни гьар сурале Донбасс воохьени эскераршис  аазырбышика посылкlабы йаlххъыл’ гьау». 

Республике ишлемишехьени «Факел» донани токсни хааlрынкъе Салихат Аlлиевае, джаванаршини «Юнармия» дестейна уlзву Маликат Салаватовае Украина нацистаршике азадаъани спецоперациее иштыракаъани эскераршис миннатдарийвалла агъмишавъу. Манбышди игитийвалис ахтына кьиймат гьуво. 

Йигъынджагъ концертни программайка таамхьа. Артистарше Ватаныс къадсырыйн маlънийбы гьау.