Гьихъа йихъбышди джаванарше маъаlлл­имийваллайн санаъаlтний сечмишаъан. Гьаlшде мактаб таамауйнбышди геллесинкъве дохтурун санаъаlт алятlас чалышмишехьи. Къийна манбы россиейни джурабаджурайни регионбышее хъаlдаххъа, ишлемишоохьи вобунбы. Гьихъа йихъбышди джаванарше маъаlлл­имийваллайн санаъаlтний сечмишаъан. Гьаlшде мактаб таамауйнбышди геллесинкъве дохтурун санаъаlт алятlас чалышмишехьи. Къийна манбы россиейни джурабаджурайни регионбышее хъаlдаххъа, ишлемишоохьи вобунбы.

Къийнийна йизда гаф манбышди санкъуни гьаlкlее вобна. Мана Ростовни шагьарее Скорый помощни станциейл’ ишлемишехьена Джумаев Назим Ризванна дих ворна.Назимыхъад мани санаъа­lтылхъан аlшкь кlылвал’ике гидгъыл. Манкъве Мишлешни хивее йыlкьнекин мактаб таамау, хъийгъа хъаlдхъый жавамаъас Ростовни шагьарейхъа йаlхъ авхъу.  Манкъве 2014-ъэсди сен санаъаlтбы Ростовни девлетни медуниверститетни колледжейхъа хъуво. Югна санаъаlткар ихьесдимее, манкъве  инсанаршис маалидже гьаъан факультет сечмишау. 2018-ъэсди сен колледж югни кьийматбышиква быкырау. 2019-ъэсди сен Ростовни шагьаре МБУЗ ГБСМП ОСМП-ни ташкилате ишлемишехьи гиргъыл’. Назим ишлемишехьен хаlдда сенбы дешинбы. Сикlыл’ни вахтал’ манкъве гьамбазаршини аlрайл’ югна гьуlрмат къазанмишавъу. Станциейни чlакlынбыше манкъуни ишис гьаммаше югна кьиймат гьооли. Манкъуни увгьойка, вудж геер югни коллективе ишлемишехьи ворна. Гьамбазарше джус гьар карее кумаг гьелен. Манбыше хаlдни гьавасука закlле дяцlан карбы хаlд хъаъан. Манбыше  ненкеджад миллетбышди аlрайл’на джураала гьаагва деш. Са хизанын ушахар хьинне гьам ешемишоохьи, гьамыб ишлемишоохьенбы. Назимни фыкрее медицинайни санаъаlт кlоралейнче ацlахьесдиме геледжагъыл’ хъаlдхъый давам гьауй водун. Манкъве санаъаlтбы Ростовни девлетни медицинайни универститейхъа хъувой назаре аххъы водун. Гьалекийс Назимее кlылда-кlылда джуни ишил’ дохтурни санаъаlтын къулай хаlдхъехьи водунбы.  Умуд гьааъана, сабара сенбышиле хъийгъа Назим  джуни мураадылхъа гьихьарасда