Университетни телябабыше аIълаан дипломбы алетIу

Дагъыстанни девлет университетыхъад югун аIдат водун, гьар сен хъаIтхъийн сен таамхьайле хъийгъа ,университетни ректоре МуртузаIлий  Рабаданове утагъеехъа аIълаадан ДДУ къатидхьынийн телябабы сааъа. Гьайни сеныд, дагъамни коронавирусыке ярамишивхьайни вазиятыхъа ил’дяаку, ман аIдат кIелихан гьидяу алгъавгьуйн.

Мани мадлжлисее университетни маъаIллимарше, ОНФ-ни Исполкомни хааIрункъуни маIъвине Артём Бичаеве, ГьоIкуматни думайни депутате ГьаIджимет СафараIлиеве, журналистарше ва мебынбыше иштырак гьау.Мани мадлжлисее университетни маъаIллимарше, ОНФ-ни Исполкомни хааIрункъуни маIъвине Артём Бичаеве, ГьоIкуматни думайни депутате ГьаIджимет СафараIлиеве, журналистарше ва мебынбыше иштырак гьау.АIълаан дипломбы алеетIуйни телябабышис къабсырна маджлис ДДУ-ни ректоре М.Х. Рабаданове ачухавъу. Манкъвее джуни чыхышее увгьойн: «Йишди университетын чини таарыхее 125 аазыр джурабаджур санаъаIтыкван телябабы къавукку. 2021-ъсди сен  ши къавуккыйни санаъаIткараршина 169 ыIлим иш гьаIракатеехъа абчес, 182 дипломн иш чапыке къавуккас мислягьаIтеехъа хъабы.  Къийна ши къавуккыйн ахтыйни дараджайкван санаъаIткарар гыргынанкъаI лазымба вобунбы ва манбы ишилхъа кьабыляаъанбы. Садджу Дагъыстанее джаб деш манбы ишилхъа алябатIа. Университетын гьазиравъуйн санаъаIткарар Къузайл’ни Кавказыл’, Урсиятни регионбышее, делесни ва аIкьанани хаариджий оIлкабышил’ ишлемишоохьи вобунбы».Хъийгъа джуни чыхыше ДДУ-ни ректоре гьайни сен илгъечIуйни аттестациейни гьаIкIеедын маIлумат гьуво.  Манкъуни увгьойква, гьайни сен 3728 инсанее университет таамау. Манбыше 68 гьар джура аали мактабын санаъаIт, 3 йыIкьнекни пешейн санаъаIт алеетIу. Манбышике аIълаада (чIаIрани дипломбышиква) таамауйн 569 бакалаврабы, магистрар ва ДДУ-ни колледжин телябабы вухьа.ГьоIкуматна къооккана интагьаIм «хьончис» 25 аспиранте хъувы, дипломна иш «хьончис» 1445 телябе мудафия гьавъу.АIълаан дипломбы алеетIуйн телябабы табрикааъан чыхышбы маджлисеехъа абыйни мигьманарше гьаы.Дипломбы университетни ректоре телябабышди хылехъа хъуво. Гойне маьаIллимаршикIле, ректоратыкIле чыхышбы  сагъул-варул эйгьен къавуккуйнбыше гьаы.