Ноябрь вузани 11- 13 йигъбышее  МаскIавни шагьарее, Ирина Винер -Усмановайни гимнастикайни  бинаал’ хылебпышишиква сачахаранбышин (по рукопашному бою) Дюнйейн кубок илгъечIу. Мани ахтыйни дараджанани спортни оIюнее йишди миллетни джегьилее Темирхан ГьаIсанове иштырак гьаы. Манкъвее мааъад иштыракджад деш, мана гъамхьана.

Темирхан едике  МагьаIчкъале ыхьа. Манкъуна дек’- Небий ГьаIсановий Алагёз ГьаIсанова Муслагъни хивеенченбы вобунбы. ГьаIсановаршихъаб хаIбна насыл вобна. Мани насылеенче доюкан, гьоIкуматын къуллухчера, ааIлимар, экономистар, маъаIллимар, инженерар, хивни тасарруфатын ишчер хъигъебчIу. Манбыше садджу Муслагъни хивынджад деш до къалхымишау, быкырни цIаIхни миллетис гьаIракат гьуво.  Гьам манбы маIърафатыкван, къанаджагъыкван, хааIрна-кIыл’на хъуваацIан, мигьман къабыляъан инсанар вобунбы. ГьаIшде манбышди сиягьее доюкана спортсмен ворна.Темирхан едике  МагьаIчкъале ыхьа. Манкъуна дек’- Небий ГьаIсановий Алагёз ГьаIсанова Муслагъни хивеенченбы вобунбы. ГьаIсановаршихъаб хаIбна насыл вобна. Мани насылеенче доюкан, гьоIкуматын къуллухчера, ааIлимар, экономистар, маъаIллимар, инженерар, хивни тасарруфатын ишчер хъигъебчIу. Манбыше садджу Муслагъни хивынджад деш до къалхымишау, быкырни цIаIхни миллетис гьаIракат гьуво.  Гьам манбы маIърафатыкван, къанаджагъыкван, хааIрна-кIыл’на хъуваацIан, мигьман къабыляъан инсанар вобунбы. ГьаIшде манбышди сиягьее доюкана спортсмен ворна.Темирхан спортука гьале 2 сыныфее хъаIдаххъанкъа маIшкьулехьи гиргъыл’. Манке деккикIле, джуни тренерыкIле  манкъун гьавас ва гьаIракатбы къадже, гадейс артымишхьесын гыргын имканбы гьуво.  Сабара вахтале Темирхане натийджабы гьагва гиргъыл’. Республикее аIлгъаани спортни оIюнбышее, манкъвее цIеддыйн джигабы аххъаххъа гиргъыл’. Мана дипломбышис, грамотабышис, медалбышис, кубокбышис лайикьау.  Мактаб таамауйле хъийгъа Темирхан ГьаIсанов хъаIдхъаIс Санкт-Петербургни   Военный институтни физультурайни факультете иккечIу. ГьаIшде мана  мани институтна 3 курсна теляба ворна. Мааъад хъаIдаххъанкъаI  гьалер спортыква гуджнаква маIшкьулехьи гиргъыл’. Манкъвее Россиейни чемпионатбышее иштырак гьау. Хылебпышди сачабхырыйбышда, панкратионна Россияйна чемпион ыхьа. Эскераршини аIрее илгъечIуйни гьичIобкурийна чемпион ворна. Манкъвее Воронежни шагьарее манчин кубок алеетIу.  Темирхан кIыл’ра-кIыл’ра спортни пелякканбышиле оохъа аIлхъааI. Тренераршеб манкъулхъа хаIбна умуд ва ыIгьтибар гьаъа .  Ман кар МаскIав илгъечIуйни хылебпышишиква сачаахаранбышди  (по рукопашному бою) Дюнйейн кубокын тасдикьаъа.Гьайни элейс Темирхан 75 чекее сачархыл’. Мана финалеехъа узбекистанни спортсменыква сачархыл’. Судьебышди  гьаIллауйква,  Темирхан мааъар гъамхьана.  Т.ГьаIсановын тренерар Сослан Джалиловый Николай Климов вобунбы. Гьел’бедти, манкъуни гъамхьайе, тренерашина хаIбна заIгьматыб вобна. Дюнйейни кубокни турнире 37 оIлкайле абыйни  300 спортсмене  иштырак гьаы. Финал гъамхьайква таамхьайле хъийгъа Темирханее Россиейн байдах алеетIу ва гимн хъаIбхъы. Т. ГьаIсановыс Дюнйейн кубок гьувы. Манкъвее спортни устадна дераджа алебтIу. Манчиле гъайре, манкъус пылыкван конверт гьуво. ГьаIшде манкъуна йаIхъ дюнйейни чемпионатеехъа ва Олипиадеехъана, Ин ша Аллагь, вухьес.  Темирхан ГьаIсановыс манчина чемпион ыхьай ши аIрзуламишаъа. ЦIаIхбышин миллет манкъуле гуянмишехьен!